Porfin e gran dia a yega, cu e caso di Poentje Castro lo bira publico, unda detayesnan di e caso lo bira conoci. Tin un persona deteni como sospechoso di a mata Poentje Castro riba e marduga di 22 di December pa 23 di December.
Segun un comunicado di ministerio publico, e caso ta cuminza pa 8.30 mainta y e acusado A.J.R. Rasmijn ta wordo acusa di asesinato y posesion di arma di candela riba dia 22 di December 2010.
Ta pa mira kico lo pasa den sala di corte y ta pa mira si es persona aki lo bay protega e autor intelectual y lo tuma tur culpa riba su so. Kico e persona aki lo por tabatin encontra Poentje? No ta conoci.

Anderson Rasmijn tabata cera pa trafica droga na 2010


Un cos ta sigur cu den mes aña ey, na 2010, e acusado tabata cera den prison pa trafica droga. Anderson Rasmijn a cay cera na aña 2009, dia 20 di Juli pa ser exacto. E momento ey el’a pubra di transporta droga pa Hulanda. Su caso a wordo trata na November 2009. Anderson tabata hopi hostina riba e personanan cu a contrate y gañe, pasobra nan a bise cu ta un maleta cu droga, pero pa su sorpresa, a bin resulta cu ta dos maleta cu droga. E tabata asina rabia den corte cu el’a basha abao riba e persona cu a deal cune, esta un tal F, yiu di Corsow. Na November 2009, el’a wordo castiga cu 10 luna di prison. Rasmijn mester a recupera su libertad na Juni 2010. Despues di 6 luna el’a tira Poentje Castro mata, dia 22 december 2010. Awe, dia 6 di Mei 2022, e mester presenta dilanti corte y ta pa mira si un bes mas e lo por haya rabia riba un of otro persona y lo por conta huez ta kico te motibo exacto of pa ken el’a haci e trabao ey.

LEAVE A REPLY

Please enter your comment!
Please enter your name here