Dialuna 7 di februari 2022 ta cuminza e caso di mas grandi di corupcion na Aruba. E caso tin e nomber Averstruz y e ta bay riba e hechonan cu ex minister Benny Sevinger a faborece su amigonan cu tereno di pueblo, pa asina nan por bay bende esaki cu inversionistanan. Ta trata di terenonan prominente cu tabata wordo duna y tabata wordo pre-fix. For di paden Frederick Every tabata yama Leoncita Arends pa informe cu Benny a reserva cierto tereno pe, y pe traha su carta lo mas pronto posibel.
No ta solamente Leoncita a wordo faboreci cu multiple tereno di pueblo, pero tambe amigonan manera Gabby cu su gasa, y hopi otro mas. Den e tratamento cu ta cuminza 7 di februari 2022, Huez lo bay controla tur cos y lo bay establece e reglanan con e caso lo wordo trata. E inicio di e caso mes, lo ta poco mas despues den 2022. Esaki ta di dos bureau di Minister di AVP cu tin cu presenta dilanti corte pa corupcion. Ta trata di masha hopi tereno unda e valor di benta por surpasa 100 miyon dollar. Placanan tabata wordo ricibi den cash, pero tambe riba cuentan di banco na Panama y na Merca. Un caso unda Ministerio Publico a haci masha hopi investigacion. Desde cu Benny a sali for di KIA, nunca mas el’a bolbe declara algo riba e caso. El’a bisa cu e no por conta tur cos, pero a keda di bolbe bek pa conta pueblo. Durante investigacion na KIA, te hasta Benny a bira malo, ora cu recherchenan tabata haciendo interogacion, pasobra Benny a realisa cu el’a keda descubri den e complot pa horta tereno di pueblo.
Esaki ta pone otro record mas pa AVP, pasobra ta bira di 3 caso di corupcion contra nan policitonan. Tico Croes, Paul Croes y awor Benny Sevinger.
