Manyan (diamars) pa 1’or di merdia, Corte di Apelacion lo dicta sentencia final contra Gobierno di Mike Eman y AVP.
Esaki te caso IBIS unda varios personanan promininte cu ta forma e top di partido lo conoce nan sentencia pa actonan di corupcion.
E caso di Paul Croes a cuminza na 2015 ora cu infernamente su propio secretaria Maroushka Croes a traha un carta, dirigi pa Ministerraad unda e ta splica con e actonan di corupcion ta sosode den oficia di Paul.
E momento ey, Ex minister Michelle Winklaar a tuma nota di e carta y a exigi un schorsing den ministerraad pa asina, na forma no oficial, por a alerta Paul, kico tin den su documentonan pa wordo trata.
Secretaria di Ministerraad, Nicole Hoeverts, a tuma e carta na serio y a tene man di Maroushka y hibe landsrecherche pe entrega keho. Ademas Nicole a adverti Paul. Parti di esaki ta skirbi den documentonan di corte, treci pa fiscal.
Apesar di e advertencianan, esaki no a stop! Alcontrario a sigui mas y mas.
Esaki a conduci na un investigacion profundo unda te hasta nan a tal Paul den su propio cas y auto.
Masha hopi permiso tabata wordo firma, unda su secretaria te hasta tabata regla permiso, pa haya placa pa paga traje di carnaval.
Paul y su chofer tabata core rond den auto ta bishita Chines pa Chines pa sea pidi caha di cerbes, caha di tuna, caha di mayonaise of placa cash manera dollars. Tur esaki a wordo getap dor di microfono secreto instala den auto di Paul.
Di otro banda, algun medio tabata manda e alerta pa Paul, unda te hasta Paul a demanda recrificacion for di un corant, cual caso el’a perde.
Jan de Ruijter tambe tabata lansa e kehonan aki publicamente.
Nada a yuda pa e negoshi sigui, unda mas y mas permiso tabata wordo bendi.
Esaki no te prome caso di corupcion cu a mancha Mike Eman su Gobierno, pero tin mas caso y mas grave. Avestrus, e terenonan bendi pa Benny y Leoncita, ta e top punt di actonan di corupcion.
Gabi Werleman y Ninuska, kendenan ta hefe di Avp, amigonan di Henny Eman, ta hinca den ambos caso. Den IBIS y AVESTRUS.
Tabata temponan cu den gobierno di Mike nan tabata cana halsa y tabata grita: “ta nos ta manda”
Diamars merdia, corte lo dicta y lo haya sa kico ta e desicion final di huez.
Si Paul Croes wordo haya culpabel, lo mas probabel ta cu e no tin ningun chens mas retrasa su cumplimento cu e castigo y no por descarta cu e lo por sali directo pa KIA pa cumpli su castigo.
Anteriormente Paul a bisa cu e lo retira di politica y lo no bolbe.
E caso di Benny ta na caminda pa Januari 2022, mientras cu caso di Mike de Meza, Richard Arends y Patrick Paskel y Candy Ramsijn ta den proceso.
