“Nos tin un riesgo biologico abordo”
Un vuelo di Delta for di Atlanta pa Barcelona a ser obliga pa bira bek y hasi un aterisahe di emergensia despues cu un pasahero a haña diarrea den henter e avion. E avion airbus A350 tabata tin dos ora riba un vuelo transatlantico for di Georgia pa Spaña diadomingo ora e piloto a pidi pa bolbe bek pa motibo di e fiasco fecal. “Esaki ta un problema di riesgo biologico”, e piloto a bisa control di trafico aereo graba for di LiveATC.com y comparti riba Twitter (X)
“Nos a haya un pasahero cu a haya diarrea “all the way” den henter e avion, p’esey nan kier pa nos bolbe Atlanta.” E identidad di e pasahero ta keda un misterio, pero e pasaheronan y e tripulacion a ser transferi y e vuelo DL194 finalmente a yega Barcelona na 5:10 p.m.di e siguiente dia, ocho ora mas laat cu loke a programa, Segun Flightradar24.
Noticia di e accidente desafortunado di e pasahero enfermo y e retraso di e buelo a bira viral riba rednan social. No ta conosi si e pasahero cu tabatin e problema di diarrea tabata abordo di e avion ora e a aterisa na Spaña.
Un post di Autoridad Federal di Aviacion a wordo publica riba Reddit, cu a parse di confirma cu e situacion tabata envolvi “risco biologico” den henter e avion.
E equipo di limpiesa por a laba e avion mesora cu el a aterisa na Atlanta, ya cu e registracionnan di vuelo ta mustra vu el a wordu uza pa un otro vuelo.
Oficialnan di Delta a confirma cu tabatin un “problema medico” den e avion y cu mester a redirecciona na Atlanta pa ser limpia, segun Insider. E compania, sinembargo, no a duna mas detaye tocante e motibo medico.
“Nos teamnan a traha mas lihe y mas sigur posibel pa limpia e avion y hiba nos clientenan na nan destino final”, un vocero di Delta a bisa. “Nos ta pidi nos clientenan sinseramente desculpa pa e tardansa y e molestianan na nan plannan di biahe.”
Pasaheronan di Delta a pasa un siman dificil den aire: un otro vuelo riba ruta pa Milan, Italia, mester a ser redirigi na Aeropuerto Internashonal Hartsfield— Jackson di Atlanta dia 29 di Augustus ora cu el a dal den un turbulencia severo, heridando 11 pasahero.
