Diabierna atardi a sali e informe cu Chavismo por medio di su autoridadnan cu e ta controla a inhabilita Maria Corina pa 15 aña. Pa 15 aña e no por eherce ningun cargo publico. O sea e lo no por participa na eleccion liber y democratico. Ta un receta conoci pa dictadura. Nan hustificacion ta cu den pasado el’a haci deposito riba su cuenta bancario, di cual e procedencia ta desconoci.
Maria Corina ta lider opositor cu lo bay core contra Nicolas Maduro y tin un gran sosten di pueblo Venezolano.
Sinembargo ya caba tur hende sa, cu no por confia pa nada den Chavismo, ya cu nan ta hasi cualke cos pa bula cabes di cualke opositor.
Djey nan ta pretende cu no tin dictadura na Venezuela.
Esaki ta un confirmacion mas, cu e dictadura na Venezuela lo continua pa hopi aña mas, sigur ora cu tur Venezolano ta bandona nan pais y poco ta esnan cu kier lucha pa salba nan pais.
Mientras Nicolas Maduro ta na poder, semper lo tin triki cu trampa na su antoho!
