Diabierna algo prome cu 2′ or di merdia, un mucha muher menor di edad a cay riba e acera banda di  cura di Santana di Santa Cruz. Mesora muchanan di skol a rondon’e pa mira kiko ta pasando.


E damita lo a bira malo, algun automobilista mesora a baha bay yud’e. Segun nos por a compronde cu e damita no lo a desayuna y lo a bira malo. 


Un patruya cu tabata riba caminda a para pa mira kiko ta pasando. Un rato despues e rapid responder di ambulance a yega y e paramedico  a cuminsa trata e damita na e sitio. E damita tabata pidi awa, un persona ey banda a pasa e paramedico un boter di awa y e tabata muha su cara y cabes, pa tene fresco debi cu e tawata directamente den e solo fuerte. Mientras tabata wardando riba yegada di ambulance.E damita tabata mustra hopi spanta y tambe tabata tembla hopi.


Na e sitio un di e muchanan a conta cu e damita lo mester a core pa su bida, pa motibo cu un gang di un otro bario a bin eynan bin busca nan problema esaki tawata locual a wordo papia e momento ey. Tambe cu un di e muchanan di e gang lo tabata tin un arma riba dje y cu e damita cu su otro amigitanan mester a  core bay sconde. Door di esaki damita a spanta y tambe a core bay, pero na momento cu e la core bay sconde e lo a bira malo y a cay. Pues e informacion aki tabata circula bou e muchanan.


Polis a tuma dato di e hobencita aki y tambe locual e la declara.Segun nos a compronde mas trempan polis a haya informacion cu lo ta bay tin un pelea di gang eybanda. Polis a keda tira bista eybanda, pero esaki danki Dios no a sosode.
Paramediconan na yegada di ambulance a tuma over pa sigui trata cu e hobencita.
E damita mes no a papia nada otro y a para ariba cu ta malo e la bira door di no come.

LEAVE A REPLY

Please enter your comment!
Please enter your name here