Digicel Business ta orguyoso patrocinador di E-Aruba Seminar. E seminario hopi anticipa aki lo tuma lugar diasabra dia 11 di juni y lo figura oradornan interacional presentando topiconan manera, Social Media, Digital Marketing, Cyber Security, E-Commerce, Customer Service Experience y Company Culture. Den e prestigioso line-up aki ta inclui presentacion di Digicel Business su experto den Cyber Security, sr. Douglas Thomas.
E seminario ta net despues cu Digicel Business a termina su investigacion y estudio riba Digital Transformation, cu a confirma un preocupacion creciente di empresanan den region Caribe pa loke ta e impacto y menasanan di kiebronan electronico. Cu un aumento significante den reportahenan di empresanan arubano cu ta bira victima di criminalnan cibernetico, y investigacionnan demostrando cu atakenan cibernetico ta pasa cada 39 seconde (fuente: University of Maryland) – e misión pa detecta y stop ‘hackers’ ta un desafio grandi. Digicel Business su experto den Cyber Security, sr. Douglas Thomas lo duna tur cu bin e seminario tipnan valioso riba con proteha bo empresa den e era digital cu nos ta bibando.
Comentando riba e relevancia inmediato di Cyber Security, e director di Business Solutions, Mark Shoebridge ta bisa,” Seguridad di data ta un preocupacion inmediato y creciente tur dia, pa cualkier empresa. Esaki no ta un menasa pa unicamente organisacionnan mundial mas, sino pa cualkier empresa sin importa tamaño. Den tur industria tin empresanan ta keda compromete of ataca, diariamente”.
E ta continua bisando; “Ta pa motibo di e preocupacion creciente aki, nos a invita sr. Douglas Thomas, cu ta Director Mundial di Cyber Security, pa presenta na e seminario E-Aruba. Durante e seminario aki e lo provee guia practico pa empresanan di tur tamaño, duna tip con nan por tuma medidanan di seguridad y prepara nan mes pa e menasanan hopi sofistica cu ya ta tumando lugar. Nos tin solucionnan hopi avanza pa yuda tur tipo di empresa y ta desea di comparti nos conocemento cu empresanan na Aruba.”
Den e ultimo 2 añanan, Digicel Business a bin ta inverti hopi den construccion di un Security Operations Centre, ofreciendo e miho expertonan den cyber security cu tin den nos industria. Digicel Business’ su servicio di cyber security, yama Digicel Business Protect, ta un unidad independiente, y ta un partnership entre Digicel Business Solutions, Fortinet, HyperProtect, IBM, SentinelOne, MetaCompliance y Cisco.
