Lo cera oficina y e Digicel Store na Marisol Building entrante dia 1 di April:
ORANJESTAD: Na october di aña pasa, Digicel a re-introduci su mes na mundo como un Operador Digital. Un evolucion di un simpel provedor mobil pa un Operador Digital, esaki a inclui introduccion di Prime Bundle nobo y tambe un compromiso renoba pa sigui sirbi su clientenan. E mudansa pa un locacion nobo, mas moderno, entrante dia prome di april proximo ta djis un di e pasonan mas den e trayecto cu Digicel a cuminsa cu e comunidad di Aruba 18 aña pasa.
Digicel a bin ta sirbi su clientenan for di Marisol Building pa e ultimo 18 añanan. Sr. Roeland van der Hoeven, CEO di Digicel ABC a comenta, “Pa algun tempo ya caba nos a bin ta busca un edificio cu por sirbi tur e propositonan di nos empresa. Primeramente nos enfoke tabata pa ofrece nos empleadonan un espacio di trabao cu ta inspira creatividad. Banda di esaki, nos a desea un lugar na unda cu nos por ricibi nos partnernan di Business Solutions. E edificio nobo lo ofrece salanan di reunion pa clientenan di Digicel Business di manera cu nan por experiencia nos portofolio di servicio Corporate y ICT. ”
Dia 1 di april proximo Digicel lo muda for di Marisol Building y lo cera tanto e store y e oficina na prome piso. “Nos clientenan cu ta custumbra di bishita nos na Marisol Building tin oportunidad pa bishita nos store na Boulevard cu ta djis un poco mas p’abou riba e mesun caya. Akinan e personal ta equipa pa duna tur servicio y tin amplio oportunidad di parkeo. Ademas di e locacion na Boulevard, clientenan por bishita e store na Tanki Leendert y San Nicolaas,” asina Van der Hoeven a añadi. Cellular Express na Super Food Plaza tambe ta ofrece e liña completo di servicionan di Digicel.
Tuma Nota
Pa motibo cu Digicel ta muda pa Sasaki Building, e oficina y store na Marisol Building lo cera dia 31 di maart 2021.
