Dios a duna nos autoridad riba e diabel, pa reprende, pa kibra tur su plannan y tur su cadenanan den nomber di Cristo Hesus, pa destrui fortalesa di maldad, pa destui tur specualacion cu ta lanta contra conocemento di e Berdad.Y esey nos por hacie ora nos ta kere den nos Senjor Cristo Hesus pasobra e palabra ta bisa cu e senjalnan lo sigi esnan cu ta kere.
Pero ora ta toca nos prohimo cu nos mester stima manera nos mes, ningun caminda bijbel no ta para scirbi cu Dios a duna nos autoridad pa destrui nos prohimo.
Na prome lugar palabra di Dios ta bisa bon cla : Mira pa ningun hende no paga malo cu malo,ma semper busca loke ta bon pa otro y pa tur hende.( 1 Thesalonisensenan 5:15).
Esey ta nifica cu tur tipo di persigicion cu hende por tin contra otro, pa asina destrui otro no ta bini di Dios.
Pareha ta bringa pa kita yiu for di otro, pareha ta bringa pa kita cas for di otro, ruman ta envidia ruman asina tanto, cu nan ta hiba otro dilanti di huez pa propiedad cu nan ningun di dos a traha pe.
Hende ta cana caminda di bruheria, pensando cu asina nan por destrui otro, pasobra serca Dios bo no ta hanja e autoridad pa destrui bo prohimo, pasobra Dios ta bisa pa stima bo prohimo, y haci oracion pa esnan cu ta contra bo.
Efesionan 4:29 ta bolbe recorda nos cu no laga ningun palabra danino sali for di nos boca, sino solamente palabra cu ta bon pa edificacion,conforme e necesidad di e momento, pa esaki por duna gracia nan esnan cu ta tende.
Mal uso di autoridad di mayor, y manipulacion di famia por haci danjo na salud mental di nos yuinan, falta di pordon ta un destruidor silencioso, cu ta capas pa hiba hende na un fin cu ningun hende no a spera.
Falta di pordon ta danja organo di hende, pasobra hende no a wordo traha, pa carga , odio, rencor, rabia, furia , malicia dorna cu inmoralidad y sensualidad.
Hopi hende no ta comprende e yamada di Cristo Hesus cu ta bisa: Bin serca Mi tur cu ta cansa y carga y lo Mi duna boso sosiego.( Mateo 11:28).
Cristo Hesus sa cu si e no hinca su man den nos bida, enemigo lo destrui nos mente cu su trikinan di rabia, orguyo y arogancia, y prome cu nos kier ripara nos salud mental ta wordo afecta seriamente.
Cuanto hende no tin cu no kier enfrenta realidad di bida y ta sconde tras di droga y alcohol, danjando organo den nan curpa y haciendo danjo na nan cerebro.
Ningun hende tin autoridad pa destrui su prohimo, su esposa y su yuinan. Pesey encurasha otro y edifica otro mescos cu boso ta haciendo tambe.( 1 Thesalonisensenan 5:11).
Laga cada un di nos agrada su prohimo pa su bon,pa su edificacion. ( Romanonan 15:11 ).
Pa e motibo aki mi ta scirbi boso e cosnan aki,mientras cu mi ta ausente, pa ora mi presenta mi no tin mester di ta severo, di acuerdo cu e autoridad cu Senjor a dunami, pa edificacion y no pa destruccion.
( 2 Corintionan 13:10),
Si un relacion mester termina, ningun hende tin drechi di declara cu maldad lo bini riba otro persona pasobra nan no ta hunto mas. Si e persona lo bay sufri, si e lo bay pasa den duro, e cosnan ey no ta bini di Dios.
E autoridad cu Dios a duna nos ta pa edifica y no pa destrui.
Sinceramente, Pastor Marcel Balootje
