Ora nos scohe pa Cristo, no solamente , nos a scohe pa salbacion y bida eterna, pero nos a scohe pa sirbi Señor cu tur nos amor , reverencia y debocion.
Den tur locual cu nos ta haci Señor ta bini na prome lugar, mas halto nos halsa e nomber di Dios den nos bida, mas nos crece, y mas bendiciona nos bida ta, pasobra e frutanan lo wordo mira.
E palabra di Dios ta bisa: Ma boso ta un rasa scohi,un sacerdocio real, un nacion santo, un pueblo peculiar,pa boso por proclama, e alabansa di Esun cu a yama boso for di scuridad na Su lus maraviyoso.( 1 Pedro 2:9).
Boso no a scohe Mi, ma Ami a scohe boso,y a nombra boso,pa boso bay y duna fruta,y cu boso,fruta lo keda,pa tur loke boso pidi e Tata den Mi nomber, E duna boso. Esaki mi ta ordena boso , pa boso stima otro.( Juan 15:16).
Ta dificil pa lus uni cu scuridad, pasobra ta Dios mes a separa lus for di scuridad, pasobra caminda Dios ta scuridad no por permanece.
Asina manera esnan cu a wordo scohi pa Dios,santo y stima,bisti un curason di compasion, cariño, humildad y pasenshi, y boso soporta otro,y pordona otro,si un di boso tin keho contra otro,mescos cu Señor a pordona boso,asina boso tambe mester haci.( Colosensenan 3:12).
E inmenso amor di Dios cu a bini den nos bida ora nos a entrega nos bida na Cristo Hesus, ta duna nos e confiansa, pa nos por sirbi Señor cu henter nos curason, pasobra nos no ta eligi door di hende , pero nos ta eligi door di Dios pa sirbi Dios.
Y den tur cos nos mester agrada Dios, pasobra e palabra di Dios ta bisa:Pasobra ta fabor di hende mi ta busca awor,of di Dios? Of ta hende mi ta trata di agrada? Si ainda ta hende ,mi ta trata di agrada, lo mi no tabata un sirbido di Cristo.( Galationan (1;10).
Esun cu kere den dj’E no ta condena,esun cu no kere ta condena caba,pasobra e no a kere den e nomber di e Yiu unigenito di Dios.( Juan 3:18)
No ta pornada ta para scirbi den Juan 3:36. Esun cu kere den e Yiu tin bida eterno,ma esun cu no obedece e Yiu lo no mira bida, ma e furia di Dios ta keda riba dje.
Ta un previlegio pa sirbi Dios , ta un preveligio pa cana den Su caminda, ta un previlegio pa sirbi otro nan cu amor , pasobra esey nos Dios ta un Dios di amor, kende ta pordona tur pica y sana tur herida.
Tin exelencia den e sirbishi di Dios, pasobra semper e ta duna bon fruta, y aunke sufrimento por presenta , corda cu nunca nos por yega na sufri manera nos Señor a sufri pa nos riba crus.
Nos ta wordo escohi un biaha y pa semper, pa asina cu yudansa di Dios nos por mantene nos mes firme den Su caminda , y pa medio di Su poder nos por vence e trampanan di diabel.
Ma Dios ta demostra Su mes amor pa cu nos den esaki,cu tempo nos tabata pecador ainda, Cristo a muri pa nos.(Romanonan 5:8).
Pasobra no tin futuro pa e hende malbado, lampi di e malbadonan lo wordo paga,( Proverbionan 24:20).
Scuridad tey y ta aumenta cada dia mas riba e mundo aki, y hopi hende ta apoya scuridad, pa motibo di placa y poder, y ta lubida cu nos mester cana den e lus di Dios, pasobra ta eyden tin bida.
Sinceramente, Pastor Marcel Balootje
