Scirbi pa Pastor Marcel Balootje.
Ta solamente hende amarga,sin consenshi ta coba den pasado di otro, pa asina usa esey como arma pa rebaha e otro persona cu ta luchando pa e bay dilanti den su bida. Un hende cu no kier pordona ta practicamente ciego pasobra e ta mira un banda so. ( Mateo 6:15).
Tur hende por haci fout no ta importa ken bo ta , pero tambe tur hende tin e mesun derechi di lanta bek riba pia.
1 Juan 1:9 ta para scirbi: Si nos confesa nos picanan E ta fiel y husto di pordona nos, nos picanan y pa limpia nos di tur inhusticia.
Ningun hende no tin derechi pa usa pasado di otro, como trampolin di ventaha den ningun sentido, pasobra den esey no tin ganashi ,solamente bobedad ta wordo demostra.
Si bo yiu haci un fout y bo a pordone y boso dos ta compronde otro bon, ta imposibel ora algo pasa cu bo ta bolbe lanta e cos bek, of tambe entre esposa y esposo, tur locual a wordo pordona ta keda pordona y no mester lanta for di soño mas.
Asina bo ta capas di lanta algo di pasado ,esey ta duna un impresion cu bo no a pordona.
E actitud aki tin hopi famia dividi, hopi divorsio, y hopi mucha cu no ta sinti nan mes comodo na cas, y ta prefera di ta riba caya, cu scucha cada rato mes un pasado wordo treci dilanti, sea di nan mes,of di nan mayornan un cu otro.
Si cada biaha un mucha mester scucha cu su mama ta un muher di caya, y cu su mama a bandone,e ta traumatisa e mucha su bida, pasobra e fout no ta sinta serca e mucha pero serca su mayornan cu no kier pordona otro.
Pasobra lo Mi tin misericordia di nan inikidatnan , y lo Mi no corda nan picanan mas.(Hebreonan 8:12)
Ora e yiu perdi a bolbe bek cas bek , e tata no a tira nada na su cara, pero e tabata contento cu e yiu a bin cas, pasobra e yiu tabata morto spiritualmente y awor e a biba. E a bolbe cas bek.( Lucas 15:11-32)
Ora e muher cu a comete adulterio a keda su so cu Hesus , Hesus a puntre ken a condena bo, e a bisa ni un Señor y Hesus a bise ami tampoco ta condena bo, bay y di awor pa dilanti no peca mas.(Juan 8:1-11)
Cada biaha cu nos arpenti di nos picanan nos ta blokia boca di satanas y tur esnan cu e tin den su servicio.
Laga tur amargura,furia, rabia,y calumnia wordo kita for di boso, hunto cu tur malisia. Y sea cariñoso cu otro, misericordioso, pordonando otro,mescos cu Dios den Cristo tambe a podona boso.( Efesionan 4:31-32).
Pasobra E a libra nos di e poder di scuridad, y a traslada nos pa e reino di Su Yiu stima. Den kende nos tin redencion y pordon di picanan. ( Colosensenan1-:13-14).
Mescos leu cu pariba ta for di pabao asina e a aleha nos trangreshonnnan for di nos.( Salmo 103:12).
Tin hopi hende mara den inmoralidad/idolatria cu tin miedo di sali afo pa nan amigo of amiga, no bay cana papia riba nan , nan ta esclavisa den scuridad, sin speransa di salida pasobra nan ta wak riba hende y no riba Dios.
Tur hende mester compronde cu asina bo arepenti di bo pica, no ta importa su grandura, Dios ta pordona, y ta yudabo lanta bek riba pia.
No laga ningun hende gaña boso, y asina permanece den scuridad,
Tin pordon den Cristo Hesus.
Sinceramente , Pastor Marcel Balootje.
