No duda pasobra Dios nunca lo cambia, den dj’E no tin sombra di cambio,Dios nunca ta laga nos bandona e a priminti, y nos sa cu tur locual Dios priminti,Dios ta cumpli.
No tene miedo di papia den Su nomber, pasobra den Su nomber tin poder y autoridad, tin gran bendicion pa tur esnan cu ta kere den e nomber di Hesus.
Por ta den bo bida, hende por a faya bo, hende a lubida riba bo , y hende a bandona bo, pero ora bo hisa bo cara na laira y wak , sabi cu bo Dios, ta mesun caminda, e tey pa bo y e ta sostene bo.
Pasobra pa Dios, nada lo no ta imposibel( Lucas 1:37).
Si bo kere lo bo mira e gloria di Dios, no ta importa cuanto hende ta contra bo, no ta importa si hende chercha bo, Goliat a chercha y maldiciona David, pero e resultado final tur hende conoce pasobra David a kere den Senjor y Senjor a respalda David.
Daniel a bay cueba di leon, y den e cueba Dios a pone un angel pa sera boca di leon.
Den e tempo trabahoso cu nos ta bibando aden nos ta mira con karakter di hende ta cambia, pasobra asina e ta para scirbi den 2 Timoteo 3:1-5, y hopi ta preocupa, kico lo bay pasa awor. Pero no lubida cu Dios nunca ta bandona esnan cu ta kere den dj’E,
Esnan cu ta kere y spera den Senjor nunca lo keda na berguensa.
Ni un di e bon promesanan cu Senjor a haci na e cas di Israel no a faya tur a keda cumpli ( Josue 21: 45)
Palabra di Dios ta bisa den Isaias 26:3-4 “ Lo bo warda den pas perfecto esun cu su pensamento ta permanece den bo, pasobra e ta confia den Bo.
Confia den Senjor pa semper,pasobra den Dios e Senjor nos tin un Baranca eterno.
Si nos duda den Senjor, ta den ken nos lo kere, nos no por avansa di ningun ,manera si nos no tin confiansa den Senjor.( Juan 15:5).
Hopi hende awendia ta duna tur clase di ensenansa, pero loke ta falta hopi ta, instrui hende pa nan kere den Dios, kere cu Dios por, kere cu Dios ta capas, kere cu Dios nunca ta yega laat.
Mescos cu David a bisa Salomon conoce e Dios di bo tata, asina cada un di nos como mayor mester instrui nos yiu. Pa e lanta cu confiansa den Senjor , pasobra pa motibo cu hopi di nos hubentud no ta kere den Dios, no ta respeta Dios, no ta duna reverencia na Dios, nos ta cosechando hopi dolor.
Hoben nan ta tuma decision doloroso cu ta perhudica henter nan bida, pasobra un hoben cu mata na un edad bao di 20 anja a perde hopi cos, y e mester di guia firme, pa asina e por lanta ariba bek, gara na man di Senjor y cana den caminda di Senjor, y permanece den e caminda di Senjor, pasobra awor e sa cu Senjor lo no faya cune.
Awor mas cu nunca cu nos tur ta mira con maldad ta aumenta, con inmoralidad kier domina mundo, awor ta e tempo, pa lanta nos fe den Senjor,
Pasobra esnan cu ta kere den placa a faya,
Esnan cu ta kere den politica a faya,
Tur esnan cu ta kere den poder di hende,
Tur esnan cu ta kere den nomber di hende lo faya, pasobra den ningun nomber,den ningun poder militar, no por compara cu e poder di Dios.
Sinceramente, Pastor Marcel Balootje
