Semper obediencia lo keda e paso mas importante den e relacion entre hende y Dios.
Ta hopi cos of mihor bisa tur cos por wordo logra ora nos ta den obediencia na Dios.
Pasobra Obediencia ta haci hende sabi, integro, bon karakter,saludable, firme den Senjor.
Obediencia ta mihor cu sacrifcio, pasobra un hende por sacrifica riba su mes forsa, pero na e momento cu e persona bira obediente na Dios, bida lo cambia por completo.
Ora bo ta obediente na Dios, esey ta nifica cu bo ta hanja e sabiduria, ki tipo di conseho bo ta acepta , pasobra Dios mes lo duna bo discernimiento pa bo por rconoce ken kier manipula y ken di berdad kier yuda.
Noe no tabata sa nada di trahamento di barco, Noe no tabata un carpinte, probablemente Noe por tabata un cunukero, pero Noe su obediencia na Dios a causa cu e traha un obra maestro completamente guia door di Dios.
Pasobra na prome lugar Noe a hanja gracia den bista di Dios, pasobra obediencia ta atrae gracia riba nos bida. Ora nos ta disponibel y obediente den cosnan chikito, Dios lo pone nos den cosnan grandi.
Hopi no a kere den locual Noe, tabata predica, pasobra e oposicion di maldad den e tempo aya, ta igual cu den e tempo trabahoso den cual nos ta bibando, inmoralidad tabata existi,abominacion tabata tey for di e tempo ey, bruheria tambe tey, idolatria,y mas cu tur cos e presencia diabolico tabata presente, pero riba tur esey Noe a haci tur locual Dios a bise pa haci.
Awendia hopi hende ta preocupa cu nan experiencia universitario,cuanto scol nan tin pa nan logra algo den nan bida, cual tambe ta necesario, pero mas importante ta bo obediencia,na Dios Todopoderoso y bo confiansa den Su poder lo hibabo na exito.
Moises tabata un mucha hebreo cria na Egipto, e tabatin tur experiencia egipicio pasobra e bay scol egipcio y a ricibi educacion egipcio, y egipcio ta un pais den scuridad caminda mayoria no tabata kere den Dios.
Dios a usa Su strategia pa saca Moises for Egipto, hibe den Egipto,pasa Moises cuarenta anja den Desierto ,cuidando carne, y despues yame, y capacite pa guia un pueblo di miyones di hende.
Moises no tabata tin conocemento di Dios, pero e dos cosnan cu a yuda Moises den su bida, y especialmente pa su crecemento spiritual tabata su humildad y su obediencia.
E asunto tabata asina serio cu ora Miriam ruman muher di Moises a murmura contra Moises Dios a atende cu Miriam hopi serio.
Pa medio di capacitacion di Dios, Moises a bandona violencia y bira un homber di Dios, si nos nota tempo cu Moises tabata na Egipto e tabata revolucionario, y hasta e a yega di mata hende, pero despues cu Dios a bin yama Moises, y a mustra Moises cu poder di Dios ta mas grandi cu violencia, y Dios tin mas poder cu ehercito di mundo, pasobra Faraon tabata kere cu e ta grandi , pero Dios ta Soberano.
Josue a cana cu Moises, Eliseo a cana cu Elias, tin un obediencia hopi notabel den e bida di e dos persona nan aki , pero mas cu tur cos nan nivel di humildad tabata halto.
Dios a bisa Josue , mescos cu tabata cu Moises lo mi ta cu bo, sosten di Dios pa Josue tabata algo grandi mientras cu Josue tabata wordo guia door di Dios.
Tur hende conoce e logronan di di Josue , pasobra Dios tabata cune tur momento.
E capacitacion di Dios, ta locual nos tur mester pa nos tin exito.
Sinceramente Pastor Marcel Balootje
