Ta para sirbi den Marco 12:29-31: Hesus a contesta: Esun di prome ta: Tende O Israel, Senjor nos Dios ta un Senjor. Stima Senjor bo Dios cu henter bo curason, y cu henter bo alma, y cu henter bo mente,y cu tur bo forsa.
E di dos ta esaki, stima bo prohimo manera bo mes,no tin ningun mandamento , mas grandi cu esaki nan.
Ora nos na stima Dios , nos ta balora nos mes, y nos ta balora otro, nos no ta haci danjo na nos mes, y tampoco danjo na otro nan.
Cuanto biaha nos mester splica cu e ladron, ( e diabel, el malbado,e enemigo di nos alma) ta bini solamente pa horta, pa mata y pa destrui, cuanto biaha mester wordo bisa cu diabel no tin amigo, e no ta respeta bida di hende, e no tin consenshi, su naturalesa ta mentira, maldad y destruccion.
Hesus ta expone e diabel cla den Juan 10:10 bisando e ladron ta bini solamente pa horta, pa mata, y pa destrui, Ami a bin pa nan tin bida, y pa nan tine na abundancia.
Awor mas cu nunca tur wowo mester habri den cas di famia,pa mira bon cla e amor cu nos mester tin pa otro, con nos mester stima otro, y mantene otro den oracion, pasobra e enemigo ta cana rond manera un leon cu ta grunja buscando ken e por devora.
No ta tempo pa laga nos yuinan biba pa nan cuenta, pasobra e enemigo no ta respeta ningun hende, nos mester haci tur esfuerso pa mantene e unidad den famia hopi halto, nos un mester cuida otro, pasobra esey ta e mandato di Dios.
Den Mateo 22:39 Hesus ta enfatisa stima bo prohimo manera bo mes.
Cada biaha cu nos mira un hende ta pusha, otro den mal caminda,
Un hende ta abusa di su prohimo,
Un hende ta bringa cu su prohimo,
Un hende ta venga su prohimo sin ningun motibo,
Un hende ta ganja riba su prohimo,
Un hende ta kibra bida di su prohimo,
Un hende ta traiciona su prohimo,
Un hende ta bende droga na su prohimo,
Un hende ta bende arma cu su prohimo,
Un hende ta sconde maldad pa su prohimo,
Un hende ta apoya su prohimo pa bay contra di palabra di Dios,
Nos tin cu reconoce e falta di amor cu ta biba den comunidad.
Si nos no stima otro, ta ken ta stima nos, si nos no cuida otro, ta ken ta cuida nos.
No laga nos lubida, cu Dios a stima e mundo asina tanto, cu e a duna Su Yiu unigenito, pa ken cu kere den dj’E no bay perdi ma tin bida eterna.
Anto a yega e momento pa nos para keto, wak rond y bisa , ta na unda nos ta bay cu tanto maldad, pasobra awor si tur hende mester nota cu nos ta bibando den tempo trabahoso, tempo dificil y ta tempo pa cuida mas cu nunca.
No ta pornada e palabra di Dios ta bisa den Santiago 4:7 Pesey , somete boso na Dios. Resisti e diabel y e lo huy bay for di boso. Hala serca Dios, y e lo hala serca boso.Limpia boso man boso pecadornan, y purifica boso curason, boso di curason dobbel.
E presencia di maldad riba mundo ta aumentando, pero tambe e poder di Dios tey pa tur esnan cu ta kere den Dios, cu ta stima Dios y ta stima nan prohimo.
Laga nos tur haci bon cu otro y biba drechi cu otro tur momento. Sinceramente, Pastor Marcel Balootje
