Prome spiertamento:
NO ganja boso mes,Dios no ta laga haci bofon di dj’E, pasobra loke un hende sembra, esaki, tambe e ta cosecha,Pasobra esun cu sembra pa su mes carni lo cosecha corupcion for di e carni, ma esun cu sembra pa e Spirito lo cosecha bida eterno for di e Spirito.( Galationan 6:7-8).
Di dos spiertamento:
Ma sabi esaki, cu den e ultimo dianan tempo nan, trabahoso lo bini.
Pasobra hende lo ta stimado di nan mes, stimado di placa,gabado,arogante,blasfemado,desobedecido na mayornan,ingrato,impio,sin amor,ireconciliabel,cu mala lenga,sin dominio,propio, grosero , odiado di loke ta bon,traidor , imprudente,soberbe,mas bien stima dI di placer cu stimado di Dios.Cu tin aparencia di ta religioso berde, ma cu ta nenga su poder, evita e sorto di hende nan aki. ( 2 Timoteo 3:1-5)
Y ta ken mester wordo spierta?
Awel nos ta para dilanti di e temporada, cu tanto estan cu ta den Senjor, y cu nan boca nan ta bisa cu nan ta den Senjor, y esnan cu ainda no a entrega na bida na Cristo,mester tene bon cuenta, pasobra husticia di Dios ta conta pa tur hende.
Tur scritura ta inspira pa Dios,y ta util pa sinjansa,pa reprendemento, pa coreccion,pa educa den husticia,pa e hende di Dios por ta perfecto, ekipa den tur bon obra.
Den un palabra bisa tur hende mester wordo spierta!!!
Awor spiertamento no ta husgamento, pasobra e enemigo a hinca den hopi hende su cabes, cu ora nan wordo spierta cu e palabra di Dios, ta huzga bo ta husga nan. Absolutamente, cu no ,esun cu ta spierta bo ta esun cu ta stima bo, y kier mira bo bon.
Awor nos no por tapa solo cu un hende, pasobra e berdad ta den nos bista, y no por wordo scondi;
Nos ta para na porta di e temporada,caminda nos sa cu hende lo haci hopi bofon di Dios y tambe purba manipula Dios. Y esey ta e temporada di Carnaval.
Un temporada caminda, uso di alcohol y droga, adulterio, maldad, malicia,buracheria lo aumenta, y tambe bofon di Dios lo wordo haci bao di capa di cultura.
Pasobra biblicamente no ta existi ningun fiesta cu hende tin cu celebra pa Dios, den cual nan mester ta burachi, droga, of bailando indecente, provocando sensualidad, cual ta termina den inmoralidad.
Pasobra laga nos no lubida, cu ora nos pensa di haci algo of desea di haci algo ya nos a peca cu nos mente dilanti di Dios, y no ta e momento cu e pensamento of deseo bira pica y hiba na morto.
Awor e spiertamento ta pa e husto no hala for di caminda, y esun cu no conoce e caminda sinti e necesidad di bini riba e caminda.
Awor ta tempo pa hende tene cuenta, cu nos tur por bini na Cristo , pero ora nos entrega di berdad, Cristo ta cambia nos, pa nos no keda manera nos ta, pero cada bes ora e temporada aki yega nos ta slip, bek esey ta nifica cu e entrega no ta di curason, y cu nos tin cu samina nos mes.
Palabra di Dios ta bisa hopi cla den Lucas 21:34-35 Tene cuidao pa boso curason no ta carga pa causa di paranda,y buracheria, y e preocupacion di bida, y e dia ey no bin diripiente riba boso, manera un trampa,pasobra e lo bini riba tur esnan cu ta riba superficie di mundo.
Kico por ta mas bunita, si cada mayor spierta otro y cada mayor spierta nan yiu, pa asina e diabel no cohe bentaha, y kibra mas Famia.
Dios ta wak tur cos.
Sinceramente, Pastor Marcel Balootje
