Entre esnan cu ta Creyente y ta sirbi Dios y esnan cu no conoce Dios, esnan cu no tin Cristo Hesus den nan curason, un diferencia mester wordo nota : Den Bistimento, Palabra y Conducta, y esaki no ta husgamento di ningun hende pero e palabra di Dios ta bisa asina y e ta para scirbi;
Pasobra esaki ta boluntad di Dios boso santificacion,pa boso abstene boso di inmoralidad sexual.
Pa cada un di boso,sa con tene su mes curpa,den santificacion y honor, no cu pasion di deseonan carnal manera e paganonan cu no conoce Dios.
Y cu ningun hende no trangresa ni defrouda su ruman den nada,pasobra Señor ta e vengado den tur e cosnan aki.
Mescos cu nos a bisa boso caba,y a spierta boso. Pasobra Dios no a yama nos pa ta impuro,ma pa biba un bida santo.
Pesey esun cu kier rechasa esaki, no ta hende e ta rechasa, sino e Dios cu ta duna su Spirito Santo na boso.( 1 Thesalonisensenan 4:3-7).
Como yuinan obedesido, no conforma boso cu pasionan cu boso tabatin antes,den boso ignorancia.
Ma mescos cu Esun Santo cu a yama boso, boso mes tambe sea santo den boso conducta. Pasobra ta para scirbi: Boso lo ta santo, pasobra Ami ta santo.( 1 Pedro 1:14-16).
Solamente manera Señor a determina pa cada un, manera Señor a yama cada un laga e cana di e manera aki.Y asina mi ta ordena den tur iglesianan (1 Corintionan 7:17).
No laga ningun palabra dañino sali for di boso boca,sino solamente,palabra cu ta bon pa edificacion, conforme e necesidad di e momento, pa esaki por duna gracia, na esnan cu ta tende. Y no haci Spirito Santo di Dios tristo, pa medio di Kende boso a wordo seya pa e dia di redencion.( Efesionan 4:29-30).
Ma no laga inmoralidad,of cualkier,sorto di impuresa of golosidad ni wordo menciona mes mey mey di boso, manera ta pa santonan.Ni sushedad, ni papiamento di coy loco, ni chansanan bulgar, cu no ta pas.ma mas bien duna gradicimento. Pasobra esaki boso sa cu seguridad, cu ningun fornicado, persona impuro of hende cudicioso, cu ta adora dios falso,no tin herencia den e reino di Cristo y Dios.(Efesionan 5:3-5).
Bin yunan scucha mi lo mi siña boso e temor di Señor:
Ta ken ta e hende cu ta desea bida, y ta stima bida largo,pa e por mira bondad?
Warda bo lenga di maldad y bo lipnan di papia engaño. Aparta bo mes for di maldad y haci bon, busca pas y siguie.( Salmo 34:11-14).
No gaña boso mes : No ta posibel pa hende cu ta den Cristo Hesus ta comporta nan mes manera hende cu no conoce Dios, ni tampoco tin temor di Dios, cu ta uni nan mes den cualkier yugo desigual enbes di huy for di pica, esey no ta boluntad di Dios.( 2 Corintionan 6:14-18).
Un Yiu di Dios no por ta esun cu ta invita hendenan bay bek den nan pasado di buracheria, paranda, impuresa, pasobra e ora ey enbes di ta un disipulo di Cristo e ta un piedra di trompica, cual ta hiba hende bek for di locual Dios a saca nan. ( Lucas 6:43-45)
Kita for di bo un boca egañoso,y tene lipnan perverso leu for di bo.( Poverbioan 4:24).
Si un hende kier tin sano huicio den su bida, anto lesa Filipensenan 4:8 , y aplica e palabra den bo bida, y asina bo ta liber di tur scuridad.
Mester tin un diferencia entre esnan cu ta den Cristo Hesus y esnan cu ta biba pa mundo.
Sinceramente, Pastor Marcel Balootje
