Den un tempo trabahoso, manera ta wordo splica den e buki di 2 Timoteo 3:1-9 nos ta yama pa haci bon, y no wak ningun circumstancia, especial no busca fabor di hende ( Galatas 6:10) ma busca tur manera pa agrada Dios, pasobra den esey nos ta demostra cu nos ta sirbido di Dios.
Tin tres cos masha importante cu Dios ta exigi pa nos tene cuenta cune for di den Testament bieu y den e buki di Mikeas 6:8 ta para scirbi: E a bisabo: O hende, loke ta bon y kico Senjor ta exigi di bo, si no ta haci husticia,pa stima misericordia,y pa cana humildemente cu bo Dios?.
Pesey e palabra di Dios ta bisa nos den Galationan 6:9-10 pa haci bon na tur hende: Y no laga nos di cansa di haci bon, pasobra na debido tempo nos lo cosecha, si nos no desmaya, Asina anto laga nos haci bon na tur hende, y especialmente na esnan cu ta di e famia di fe.
Di berdad tur hende ta mira e avanse di maldad riba mundo.
Señor ta yama nos pa drenta den ayuno y oracion pa cadena di maldad wordo kibra,pa duna libertad nan esnan oprimi, pa kibra tur yugo,pa parti nos pan cu esnan cu tin hamber.pa ora nos mira un hende sunu nos bisti e persona.Y pa nos no bira lomba pa nos propio famia? ( Isaias 58:6-9).
E ora ey bo lus lo sali manera e aurora, y bo recuperacion lo sigi mesora.E ora ey lo bo yama , y Señor lo contesta ,lo bo sclama y E lo bisa ata Mi aki.
Tin palabra di Dios asina fuerte manera esun ariba menciona cada bes cu nos mester lesa e palabra di Dios e ta pusha nos pa haci bon na tur hende, pa nos demostra e calidad di Dios cu nos ta sirbi, mustrando cu Dios ta amor y, den Dios no tin cambio, E ta mescos,Dios ta lus y den dj’E no tin, nada, di scuridad.
Den Isaias 1 :18 Señor ta hala nos atencion, pa nos no ta menciona e nomber di Dios y nos curason ta leu for di Dios bisando;
Pesey ora boso habri boso mannan den oracion, Lo Mi sconde mi wowonan pa boso,si maske boso haci hopi oracion, lo Mi no scucha. Boso mannan ta yen di sanger, kita e maldad di boso hechonan for di mi bista. Stop di haci maldad, siña haci bon,busca huicio , reprende e hende cruel,defende e huerfano pleita caso di e buida.
Den Efesionan 4:1-3 Pablo ta bisa; Pesey ami prisonero di Señor ta roga boso,pa cana na un manera digno di e yamada cu cual boso a wordo yama,cu humildad y suavidad, cu pasenshi,soportando un y otro den amor, haciendo diligente pa preserva e unidad di e Spirito den e vinculo di pas.
Romanonan 12:2 ta sigi hala nos atencion como creyentenan den Cristo Hesus: No sea conforme e mundo aki, ma sea transforma pa medio di e renobamento di boso mente, pa boso por compronde kico ta e bon y agradabel y perfecto boluntad di Dios.
Pasobra Dios ta yama nos pa den tur circumstancia, na cas, trabao,iglesia, riba caya, nos mester corda cu: E sirbido di Señor no mester ta pleitado,ma cariñoso cu tur hende, cu capacidad pa siña , cu pasenshi ora e wordo trata inhustamente,cu ta coregi cu suavidad esnan cu ta den oposicion,pa kisas Dios duna nan repentimento cu ta hiba na conocemento di e berdad.( 2 Timoteo 2:24-25).
E bondad di Dios semper mester prevalece.
Sinceramente , Pastor Marcel Balootje
