Diabierna 27 di juni, Michael Lampe, recien nombra como Diplomatico Cultural di Aruba, a tene un reunion importante cu diferente stakeholders cultural, incluyendo UNESCO Aruba, Departamento di Cultura, y otro instancianan clave den sector cultural.
E reunion tabata enfoca riba e importancia di traha hunto cu esnan cu ta dedica nan mes na preservacion, promocion y desaroyo di cultura na Aruba. Como Diplomatico Cultural, sr. Lampe tin e tarea pa explora y fortalece oportunidadnan internacional pa Aruba den sector cultural, creativo y artistico, y crea laso diplomatico riba base di cultura.
Durante e encuentro, sr. Lampe pa forma parti di e preparacion y structuracion di e rol cultural di Aruba den e vierlanden overleg cu ta planea pa tuma luga pronto. E dialogo a concentra riba con Aruba por posiciona su cultura den un manera strategico, adaptando un direccion cla pa loke nos kier logra den contexto regional y reino.
Lampe a ricibi un orientacion amplio riba e situacion actual y prioridadnan, cu ta sirbi como base pa fiha e direccion cu lo impacta positivamente e aspecto cultural di e cooperacion inter-insular.
Gobierno ta compromete pa duna e sector cultural un rol central den e desaroyo diplomatico y regional di Aruba, y e nombramento di Michael Lampe ta un paso concreto den e direccion ey.
