Ayera dia 8 di juni riba Dia Mundial di Oceano, DNM a anuncia riba nan pagina di Facebook e quiz #OceanWednesdays. DNM conhuntamente cu Bureau di Ministerio Transporte, Integridad Naturalesa y Asuntonan di Adulto Mayor, y e organisacionnan cu tin di haber cu e ecosistema marino lo tin un serie di preguntanan cu nan lo lansa tur diaranson riba e Facebook page di DNM.  Den transcurso di 9 siman di posts, cuminsando cu e prome pregunta riba diaranson 15 di juni. 

E iniciativa a bini di parti di Ministerio TINO pa acerca e organisacionnan medioambiental marino pa promove World Oceans Day pa medio di un actividad organisa conhuntamente. Tambe tin oportunidad pa gana diferente premio tur siman.

E tema di #WorldOceanDay e aña aki ta “Revitalisacion: Accion colectivo pa nos Oceano.” Den e cuadro aki nos kier trece conscientisacion y gradici e heroenan cu ta traha dia y anochi pa proteha y conserva nos oceano. E heroenan cu colectivamente a bira e bos di e oceano cu ta rondona nos dushi Aruba. Cuminsando otro siman nos lo duna un quiz pa test e conocemento di e comunidad pa tur cu ta haciendo i danki na Aruba su #oceanheroes. 

Ken ta nos heroenan pa #oceanheroes nan local?

Nos fundacionnan cu ta dedica na conservacion y proteccion, pero tambe tur hende cu ta mantene nos recurso marino limpi. Nos tin 9 fundacion cu lo participa na e #Oceanwednesdays quiz. Nan lo lansa dos pregunta multiple choice tur diaranson. 

E siguiente fundacionnan ta participa:

  • Turtugaruba,
  • Aruba Birdlife Conservation,
  • Caribbean Lionfish Alliance, 
  • ScubbleBubbles, 
  • Commissie Bescherming Flora en Fauna, 
  • Aruba Marine Mammal Foundation,
  • Metabolic Foundation, 
  • Impact Blue Foundation, 
  • Fundacion Parke Nacional Aruba (FPNA).

Bureau MinTINO a acerca e fundacionnan pa asina crea un plataforma unda nos por colabora hunto pa futuro actividadnan den direccion di un grupo pa cu maneho di nos oceano, esta nos lama.

Con ta bay haci e quiz na comunidad di Aruba? DNM lo post e pregunta riba e Facebook page di DNM tur diaranson. E preguntanan ta bini for di e varios organisacion riba tema di medio ambiente den cual e contesta di e quiz lo por haya riba e pagina di e gruponan mes. 

Ora DNM post e imagen cu e pregunta, lo tag e fundacion cu ta den spotlight e siman ey. E contesta riba e pregunta lo ta riba e facebook pagina di e fundacion. Abo tambe por participa na e #OceanWednesdays y haya chens di gana un premio!

LEAVE A REPLY

Please enter your comment!
Please enter your name here