Parti di e funcionamento (actividadnan di trabou) di un Hunta di Directiva ta reuni regularmente cu alto dignatarionan y stakeholdernan importante. Ta esencial pa informa otro di asuntonan cu ta andando, pa ‘brainstorm’ riba opcionnan y tambe futuro. Horacio Oduber Hospital tin un impacto social di sumo importancia pa e comunidad di Aruba, turistanan y tambe e indocumentadonan. E importancia pa tin un hospital cu ta operaciona mane debe ser, ta financieramente saludabel, amabel y calitativamente fuerte ta esencial pa e salud publico y e continuacion di turismo cual ta e pilar economico. 

Durante combersacionnan asina no solamente ta intercambia conocemento pero tambe ta comparti preocupacionnan, retonan cu ta encontra y alabes busca solucionnan pa e cambionan necesario.

Inseguridadnan mundial actual pa loke ta trata inflacion cu ta aumenta continuamente, prijsnan cu ta sigui subi y un posibel recesion ta afecta un y tur.

Den cuadro di esey, nos como hospital, ta busca riba diferente tereno solucionnan sostenibel cu ta yuda garantisa e cuido pa pashentnan y alabes garantia di trabou y ofrece compensacion laboral adecuado. 

Durante e audiencia  Gobernador a wordo informa door di sr. Vroegop tocante e desaroyonan cu ta afecta hospital.

LEAVE A REPLY

Please enter your comment!
Please enter your name here