Su expresionnan haci, sin base, ta mustra su incapacidad
Director di Hospital Sr. Jacco Vroegop recientemente den un entrevista haci cu corant AMIGOE, a duna un declaracion sin base, impugna contra tur estudio cientifico y a mustra cu e no ta apto pa fungi como director di hospital di Aruba.
Den su declaracion el’a bisa cu vacuna no ta juda pa cu covid y tambe a cuestiona e campaña di booster cu Gobierno ta hiba, hunto cu Gobierno di Hulanda.
Vroegop ta e sorto di personanan cu tin un otro pensamento, pero no por substancia nan pensamento cu ningun estudio.
Pa un director di hospital, duna un declaracion asina, nos ta kere cu ta mihor e bati retirada y e bay bek di unda el’a bin, bay busca trabao na Hulanda.
Cu un director den un fuccion asina prominente, ta expresa su mes publicamente, tambe via su twitter account, na forma incomprendibel contra vacuna, e ora nos ta puntra nos mes: Con bo por ta director di hospital?
Ta realmente un berguenza cu hende cu mester sa mihor, ta mustra mundo, kico ta su mundo: Un mundo difrente, cu teorianan diferente.
Ta urgente pa Aruba deshaci di Vroegop, pone riba KLM y mande bek Hulanda. El’a perde tur sorto di confiansa pa su incapacidad pa atende cu temanan asina delicado.
