Cu negativismo Aruba nunca lo progresa
Diripiente piscadornan no kier pisca mas riba nan pier, pero riba board-walk
? Que locura…?
Dialuna por a observa un ves mas cu e grupo di piscadornan, di Stichting Rancho, ta keda trece reclamo sin base dilanti, pa algo cu nan absolutamente no tin rason.
Notabel ta cu nan tin nan mes un pier, pero diripiente ta canto di awa, dilanti e edificio recien renoba, t’eynan nan kier sinta pisca. Dicon ?
Nan tin un pier di 30 meter, banda banda, y parce awor nan no kier sinta riba nan pier mas pisca, pero ta reclama canto di awa dilanti e edificio!!
Nan kier bini cu mil y un escusa cu nan kier pisca dilanti di e edificio cu a wordo renoba! Ta desde December piscadornan y stichting Rancho a bay di acuerdo cu lo haci e area bunita.
Nan lo haya entrada pa nan auto cu acceso 24/7. Nan lo haya suficiente parkeerplaats, nan lo haya baño y coneccion di awa pa nan por usa. Ta kico nan kier? pa traha 5 parkeerplaats pa nan riba pier? Pa nan staciona riba lama?
Cu ta bini algun cambio den e area ? Ta algo masha logico. Semper ora bini desaroyo, e mester cana cu renobacion.
E pregunta clave ta; dicon nan ta exigi e pida caminda? Tin asina tanto otro lugar di parkeer auto, te net eynan nan kier parkeer? Nan kier pe edificio paga e lusnan tambe y laga anochi scur? Cu ki meta ?
Ta halsa vos manera alma malo, pa zundra y sapatea contra inversionistanan. Te hasta Andrade kier rebaha inversionistanan, bisando cu nan tin dos projecto caba y cuestionando cu nan kier sigui inverti den di tres. Ta descrimnando contra Venezolano. Acaso e Venezolanonan cu ta bende Andrade pisca, ta mihor Venezolano?
Ta ki nivel baho esaki ta di maltrata investionista? Ta lubida cu actualmente den Pandemia, Aruba tin hopi mester di inversionista pa asina crea cupo di trabao?
Baila? Ta Mike Eman a baila riba ritmo di Roberto Rincon! Esey si ta bon?
A rebaha e inversionista di ta un Venezolano, y kier tira na su cara e situacion pesimo na Venezuela.. Acaso Andrade a lubida cu su lidercito a tuma placa horta for di Roberto Rincon? di PdVsa? Y tin prueba cu Roberto Rincon a duna Mike placa pa campaña. E placa di Roberto Rincon, si tabata dushi? Acaso no ta mes Venezolano? Nunca a tende Andrade critica e placa di Roberto Rincon cu poco mas pariba a traha un edificio di tres piso.
Of Andrade a lubida cu Avp a ricibi placa di Venezolano Napolitano?
Pues, con ta posibel cu kier trapa riba un inversionsita cu asina hopi rabia y odio? Kico Portuges Andrade a contribui asina grandi cu ta hiba Aruba y su economia bay dilanti diariamente? Creando odio y discordia den pueblo?
Un solo cos por a conclui; Un bon antesala pa comedia cu 200 hende na caminda, pasobra e actuacion ta asina ridiculo, cu hende ta lastra abao di hari pa mira e teatro.
SOLO DI PUEBLO ta para firme pa drehca e area di Wesstraat! Y cu e pida caminda ey ta wordo converti den un teras, ta algo fenomenal y execelente. Cu piscadornan por pisca for di nan pier, tambe ta posibel. Si den futuro kier rek nan pier y hasiele mas grandi, tambe por!
Sinembargo e realidad di bida ta cu actualmente ta masha tiki piscador tin cu ta traha for di e sitio aki y casi nunca a mira hende sinta canto di awa ta pisca na e sitio ey.
Clifford y su amigonan mester stop di stroba un desaroyo y stop di exigi un caminda, manera mucha cu ta yora pa “loli-pop”.
Ta dicon anto? Tanto yoramento?
