Ta berdad cu hende no por biba manera nan kier, sin tene cuenta cu Dios, participando diariamente den maldad ,inmoralidad, y tur otro clase di malicia.
Dios a duna nos libertad pa nos tuma decision pa nos mes, pero esey no mester bira libertinahe, pasobra e libertad cu Dios a duna nos tur ta pa nos por sirbi Dios cu henter nos curason y permanece den su boluntad.
Nos mester imita Cristo den nos bida,nos mester imita Cristo Hesus,pasobra eynan nos ta demostra cu nos ta berdadero yiu di Dios.
Cada mayor mester sa di coregi y disiplina nan yiu, pasobra esey ta e amor berdadero cu nos ta demostra, pasobra hopi hende ta kere cu amor pa yiu, ta nifica cumpra tur cos pa bo yiu, Keds di marca, iphone, Ipad, etc. Hopi biaha nos ta malcria un mucha cu hopi cos , pero e disiplina y coreccion cu nos mester duna esey nos ta neglisha.
Un mucha mester di displina y coreccion, pasobra e bida di un mucha por pasa den cautro fase si su mayornan no tene cuenta cune:
E ta cuminsa na mucha mala mucha,
Mucha baldadi,
Mucha rebelde, y bandido, y ta deber di mayor pa haci tur locual ta posibel, buscando ayudo di Senjor,pa asina lanta nan yiu den e displina di Senjor.
Si bo sembra bon den un mucha , bo ta cosecha bon, pasobra bo tin cu corda cu e enemigo, e diabel ta tras di muchanan pa destrui nan, esey tur mayor mester compronde y nan ta stop di coopera,cu tur clase di wega y aventura cu muchanan kier pasa den dje.
Ta masha importante, pa tur mayor sa cu evita di tur manera pa sinja bo yiu bebe alcohol, pasobra haciendo esey bo a dune un ayudo di gran balor den su bida, bo a proteha su estudio y tambe su futuro trabao, bo a apoya su integridad, y formalisa un bon karakter.
Un tata mester demostra na su yui hombernan cu e ta trata nan mama bon, nan tambe lo lanta cu e conocmento cu hende muher mester wordo respeta, y no maltrata.
Ora un mama demostra na su yui muhernan con bon e ta trata nan tata, e yiu muher tambe ta lo realisa cu hende homber mester wordo respeta y no maltrata.
Dios a duna yiu como regalo ta pesey como mayor bo tin cu sinja nan lo siguiente:
Mi yiu no rechasa e disiplina di Senjor, ni aborece su reprendemento, pasobra esun cu Senjor ta stima e ta reprende,mescos cu un tata ta reprende e yiu cu e tin delicia den dje.( Proverbionan 3:11-12).
Esun cu ta stima disiplina ta stima conocemento,ma esun cu ta odia reprendemento ta bobo.( Proverbionan 12:1).
Esun cu laga di usa bara, ta odia su yiu, ma esun cu ta stime, ta disipline for di tempran.( Proverbionan 13:24).
Coregi bo yiu y e lo duna bo trankilidad, si e lo haci bo alma contento.(Proverbionan 29:17)
Disiplina bo yiu mientras tin speransa ainda, y no desea su morto. ( Proverbionan 19:18).
Hebreonan 12:6 ta bisa, pasobra esnan cu Senjor ta stima E ta disiplina, y E ta suta tur yiu cu E ta ricibi.
Ma si boso ta sin disiplina, di cual tur a bira participante e ora ey boso ta yiu di afo y no yiu legitimo.
(Hebreonan 12:8).
Tur mayor cu ta disiplina nan yiu , ta haci esey pa bon, pa e mucha por lanta den e bon caminda y bira un cuidadano ehemplar.
E disiplina di Dios, ta necesario pa nos crecemento.
Sinceramente, Pastor Marcel Balootje
