Tur establecimiento ta cera 6.or di atardi, Restaurant y Supermarket ta cera 8.or
Diabierna anochi na Hulanda tabatin disturbio na varios cuidad na Hulanda ora a anuncia semi-l ockdown.
E casonan di corona a lanta cabes mas fuerte cu nunca antes. Dos dia sigui 16 mil caso. Parti di comunidad no ta contento cu mester bolbe keda cera den cas.
Aki e medidanan:
Dewde diasabra 13 november 18.00 uur ta valido e siguiente medidanan:
- 1,5 meter distancia unda cu no mester tin un comprbante di corona pa drenta e establecimento .
- Tur caminda cu no mester un pas di corona pa drenta, ta obligatorio tin mondkapje.
- Tiendanan no essencial ta cera 6.or di atardi.
- Horeca y tiendanan essencial ta habri te 8.or di anochi, manera supermarket.
- Evenementonan por tuma lugar te cu 6.or di atardi. Maximo di 1250 persona per area of espacio.
- E horario di ciere no ta conta pa lugarnan di arte y cultura y cinemas y sala di concierto.
- Publico na actividadnan di sport tanto profesional y amateur no ta permiti.
- Tur sport por sigui
- Bishita na cas ta permiti te cu 4
- Si un persona ta contagia, e ta bay den isolacion. Tur otro cu ta biba den e cas, cu vacuna of sin vacuna, ta bay den cuarentena.
Esaki ta e medidanan tuma. Pues, Hulanda ta bay den un sorto di lockdown unda tur tienda ta cera tempran, cu excepcion di algun, pero esnan cu ta keda draai, tin condicion.
