Novak Djokovic, 17 biaha campeon di torneonan di Grand Slam, a dicidi biaha pa New York pa disputa US Open memey di e pandemia di Covid-19, ya cu e no kier laga e oportunidad pasa di acerca na e record di Roger Federer di 20. Federer no lo ta na Flushing Meadows e aña aki despues cu el a tuma e aña liber pa e recupera di un cirugia di rudia, mientras cu e campeon defensor, Rafael Nadal, a uni na varios faborito cu a nenga di biaha pa Merca, debi na e preocupacionnan pa Covid-19. “Mi no por bisa cu esey lo ta e rason principal pakico mi ta aki pero ta un di e rasonnan,” Djokovic a bisa na The New York Times, aunke a revela cu e tabata hopi cerca tambe pa dicidi pa perde e torneo. “Mi mester pensa den mi mes, de nmi salud y den mi estado fisico y den si im ekipo ta bon pa ta aki. Una bes cu mi a comprob’e, naturalmete mi tambe a sintimi responsabel como un hungado importante pa ta aki. Ta importante pa nos deporte,” el a añadi. Djokovic a wordo hopi critica pa organisa na juni e desafortunado Adria Tour na Serbia y Croacia, un torneo polemico den cula hopi hungado, incluyendo e mes, a sali positivo pa Covid-19.
E Serbio di 33 aña a bisa cu el a sinti cu e criticanan a converti den un “witch hunt.” Mi no ta kere cu mi a haci nada malo pa ta honesto,” Djokovic a sostene, “Ta duelmi pa e personanan cu a infecta (…) Mi ta sintimi culpabel pa algun hede cu a infecta for di e momento ey na Serbia, Croacia y e region? Naturalmente cu no. Con por culpa un individuo pa tur cos?” Djokovic lo hunga den e Western & Southern Open, un torneo di preparacion cu a cuminsa na New York diahuebs, prime cu e US Open cuminsa dia 31 di augustus.
