Departamento di Mucha y Hoben a keda honra y agradici cu un total di 137 profesional di e 4 sectornan: husticia, social, enseñansa y salubridad cu a participa na e Tryout Toolkit Codigo di Proteccion diahuebs ultimo na Hilton Hotel. E desaroyo di e Toolkit Digiral Codigo di Proteccion ta un proyecto cofinancia pa Union Europeo, conoci bou di e proyecto #ACT4ECC (Awareness Capacity building for Toolkit for European and Caribbean Children).

Pa yega na contenido di e Toolkit aki tabata un colaboracion y trabou di hopi profesional den diferente sector den e periodo di april pa december 2022, bou guia di e lidernan pa cada tema; Sue-Ann Ras, Jullie-Ann Thode, Surella Croeze, Laura Rumahloine y Efraim Suurendonk. E lidernan di tema conhuntamenta cu e Contentgroep di profesional, consisti di; Dorilis Werleman, Deborah Lejuez, Swinda Dumfries, Johnny Boekhoudt, Jeanmiree van der Werf, Jermin Bell, Gwendolyn Tromp, Cinthia Quant, James Sneek, Stephanie Croes, Marelene v.d. Linden, Joanne Seferina y cu sosten y guia tecnico di Augeo Foundation: Andrea y Roely y Stan van Haaren di UNICEF NL, a logra crea un producto digital educativo, informativo y relevante pa tur Supervisor di Codigo, Trainers Codigo y e profesionalnan na Aruba den e 4 sectornan cu ta traha cu Codigo di Proteccion. Sin duda, DMH por a conta cu sosten y colaboracion tecnico tambe di 4 instancia; HIAS, FUTURA, EPI y Fundacion Ban Yuda, unda tabatin 70 tablet/laptop disponibel p’e profesionalnan nabega y

haci e tareanan for di e Toolkit e mainta aki. Y henter e mainta aki a conta cu Joasy v.d. Biest, cu a haci un excelente trabou como e maestro di ceremonia, cu no a duda niun momento mes pa contribui, na momento cu a acerc’e.

Comision Europeo tin como exigencia pa tur pais tuma e accionnan necesario pa promove e bienestar di nos muchanan y protega nan di tur daño. Proteccion kiermen, protega nos muchanan di abuso y maltrato, preveni daño (fisico, emocional) na desaroyo y salud di nos muchanan, creciendo den siguridad y cuido efectivo. P’esey trahamento preventivo structural, sostenibel y duradero ta un elemento crucial y percura pa tin ‘capacity building’ pa nos profesionalnan.

Definitivamente un mainta sumamente importante, pa por comparti cu hopi profesional interesa, pa sigui amplia nan conocemento y ta mihor ainda ekipa cu e hermentnan necesario pa anda cu Codigo di Proteccion, cu a drenta na vigor desde 1 di april 2021.

DMH ta contento di por a fungi como e coordinador di e evento aki y trece un grupo asina grandi di profesional hunto, pa conhuntamente traha p’e esunnan mas vunerabel den nos pais, esta nos mucha- y hobennan, brindando asina mas proteccion y siguridad, den paso concreto y duradero. DMH kier bolbe manda palabra di pabien di curason na cada un di profesionalnan y/of e instancianan di Aruba, cu a contribui y cu ta traha cu curason, determinacion y pasion, pabienestar general, proteccion y siguridad di nos mucha- y hobennan. Definitivamente e Toolkit Digital Codigo di Proteccion ta un material pa y di di nos tur, cu enfoke riba ‘capacity building’.

LEAVE A REPLY

Please enter your comment!
Please enter your name here