Diasabra awo, prome di augustus 2026, lo presenta e documentarionan cu a traha durante e Documentary Bootcamp di e aña aki, bao di guia di Rebecca Roos, asisti pa Irvin Aguilar. Entrada ta gratis.
Durante e ultimo dos siman e participantenan, cu un edad entre 18 y 67 aña, a haya teoria, siña e base di traha pelicula y desaroya un idea. Nan final di e prome siman tur participante a pitch un documentario y entre nan a scohe dos pa traha den dos grupo. E participantenan tawata Cynthia Rafael, Liesje Proveyer, Afranina Henriquez, Nohemy Habibe, Renato Vrolijk, Arturo Desimone, Angelo Gomez y Tuesday Irwin. E dos documentario cortico lo estrena 7:30 PM na e auditorium di Museo Archeologico Nacional Aruba den Schelpstraat, Oranjestad. Despues di prome estreno lo tin oportunidad pa haci pregunta y duna comentario. Pa 8:15 pm lo ripiti e filmnan pa esnan cu kier wak nan un biaha mas.
