Dialuna mainta, un persona tabata na Radio Aruba 91.5 FM pa asuna duna su testimonio; Tomas Dominico Paesch a bisa cu el’a acudi na Rode Kruis. Ela bay diahuebs siman pasa, pero nan a bise pe bolbe dialuna. Ora a yega na turno, e senjora a bisa cu no tin cuminda pa Arubiano. Gewoon asina e senjora a bisa den tur e hendenan. Dominico a puntra: Con por ta?
Dominico a yama polis, y polis a bisa cu Rode Kruis no por yuda, pasabra e ta un instancia riba nan mes. Polis a referi Dominico pa bay Sociale Zaken. E polis a cera telefon y a bisa cu no por haci nada.
Segun Dominico ta bisa, si no tin pa un, no por tin pa otro. E regla mester ta pa un y tur riba nos pais. Dominico a acudi na Sociale Zaken y eynan nan a registra e nomber di Dominico.
Pakico Rode Kruis ta bin trapa riba Arubianonan? Si nan no kier yuda Arubiano, ta mihor pa nan coy nan Rode Kruis y bay di Aruba y hibe otro nacion y nos lo wak con nos lo sobrebibi riba nos pais.
E persona cu a atendemi tabata dos persona latina, trahando na e bali. Nan no kier a tuma ningun informacion ni nada. Sr. Dominico kier haya cuminda. For di pension ela paga awa, seguro y el’a caba. Es persona cu kier duna yudansa na Sr. Dominico por yame na 5645582. E lo keda masha agradecido pa haya poco cuminda, pasobra su pensioen a caba y awor e mester poco comestibles.
“Di Aruba mi ta, y na Aruba ma nace”.. Ami no ta eens cu nan, si no por tin pami, anto nan coy nan luga y bay cune otro pais. Dominico a termina bisando den studionan di Radio Aruba 91.5 FM.
SOLO DI PUEBLO ta agradici cualke ayudo cu por wordo bringa na Dominico.
