Diadomingo anochi, doño di Colo Loco na Eagle Beach a emiti un facebook video unda el’a hasi un denuncia publico riba mal comportacion di polis.
Segun Irma Heronimo, polisnan a yega na un forma incorecto y a ordena tur su clientenan pa bandona e sitio.
E clientenan tabata sinta paden, ta comiendo of wardando nan cuminda.
Segun polis cu 7or a bati y no por tin samennscholing mas ni riba parkeerplaats ni riba beach.
Polis a informa e clientenan, cu ora nan sali di Coco Loco pa bay parkeerplaats, nan lo detenenan.
Segun Heronimo, polisnan actuando robes, contra di protocol, pasobra su negoshi ta cay bao di horeca y e por draai normal.
El’a hasi un yamada na Minister Andin Bikker, pa check e mal trabao di polis.
E tabata asina rabia cu tambe ela denuncia publicamente, cu e lo no bay keda keto mas, y cu otro polisnan ta bin bebe na su bar, den uniform, den ora di trabao, y e mester basha vodka den e bliki di redbull.
Su reclamo ta cu e tin permiso pa traha te 9.or, cual ta su horario di cierr, pero polis ta abusa di nan poder pa forse cera 7or.
