Diaranson mainta den careda di 10’or polis a start un persecusion den area di Sero Patrishi, Paradera, Nuñe, Jaburibari, Casibari y termina den un one way di tera di Sero Lopes.
Den oranan di mas trempan di mainta
Ta asina cu den oranan di mainta e auto aki esta un Toyota Yaris color di oro a purba horta na cas di uj agente policial, esaki tawata den area di Hooiberg/Sero Biento.
E agente a reconoce ken tawata esnan den e auto, y a mira 5 persona den e auto, nan no a logra bay cu nada. Aparentemente via camara di siguridad e la mira e caminda cu nan a tuma, y a mira cu nan lo a bay direccion Morgenster. 
Algun rato mas laat, polis a topa cu e auto aki den area di Sero Patrishi cu Paradera, eynan a cuminsa un persecusion ariba velocidad hopi halto style di pelicula.
Na e rotonde chikito di Paradera pa Babijn e Yaris aki bieniendo di Jaburibari cu velocidad halto a bula e rotonde, cu tur e consecuencianan devastador cu esaki por tawata tin cu ne. 
Patruyanan cu zwaailicht y sirena su tras y den Sero Lopes e la drenta un dead end y eynan ta unda cu agentenan ta detene nan y pone nan den boei.
Polisnan tawata kere cu nan lo haya 5 hende homber den e auto, pero a bin resulta cu patras durante tur coremento duro y bay horta na cas di hende tawata cu 3 criatura patras sinta.
Tristo pa mira con super spanta e tres mucha hombernan chikito tawata yora sin stop. Un agente mesora a hala leu y a sinta cu nan abou pa nan calma.Nan a haya awa y a avisa slachtofferhulp pa tuma nan over.
Pa locual ta e adultonan, ta e dos rumannan Croes conoci pa polis. Ambos a wordo transporta pa warda den dos diferente transportwagen. E auto a wordo confisca y takelwagen a yega pa a bay cu e auto warda di polis.

LEAVE A REPLY

Please enter your comment!
Please enter your name here