Dialuna algo pasa di 11:30 di mainta polis y ambulance a bay ariba Green Corridor, pa ta exacto entre rotonde di Sero Tijshi cu rotonde Mahuma.
Tawata trata di un Kia Picanto color geel y un Ford Explorer.
Pa un of otro motibo chauffeur di e KIA no a regula su velocidad y ta dal basta duro patras di e Ford Explorer. Den e Kia tawata tin dos dama, ambos a resulta herida.
Dos ambulance a presenta y tambe polis di trafico.
Polis mester a cera rotonde banda di pariba, pa asina evita un desgracia innecesario mirando cu e vehiculo kibra ta ariba caminda y strobando Paramediconan pa haci nan trabou.
Den dos ambulance ambos ocupante a wordo hiba Hospitaal.
