Diadomingo anochi den careda di 10’or polis ta topa cu un accidente serio riba e caminda di Kibaima.
Ta asina cu poco panort di e rotonde di Balashi patruya ta topa cu dos Kia Picanto cu a dal contra otro.
Mirando cu tin dos dama seriamente herida ta pidi pa dos ambulance.
Mester a cera e rotonde, evitando tur auto pa bay direccion Santa Cruz.
Na e sitio nos a compronde cu e Kia Picanto color cora tawata bayendo zuid cu velocidad halto.
Dado momento pa un of otro motibo lo a hala na su man drechi y baha parcialmente riba tera.
Esaki a causa cu e chauffeur lo a bay maniobra y aki e ta perde control completo y ta bay dal contra un otro Kia Picanto cu tawata biniendo nort.
Dos dama a resulta seriamente herida, por a scucha con un tawata sclama di dolor.
Ambulancenan cu a presenta a transporta ambos pa Hospitaal.
Polis di trafico a pidi pa departamento tecnico tambe na e sitio.
