Recientemente dos empleado na Hilton Aruba Caribbean Resort & Casino a ricibi un promocion bon mereci pa nan dedicacion, fieldad y high-performance.
Assistant Director of Finance, Mayrene Wilsoe Winterdaal, trahando na e resort desde 2019, a wordo promovi na e posicion di Director of Finance. Mayrene, un local, ta forma parti integral di e team anto a demostra su talentonan excepcional y mentalidad strategico den su veld.
Como Director of Finance, Mayrene lo ta responsabel di supervisa tur aspecto financiero di e organisacion, incluyendo planificacion financiero y analisis, budgeting, forecasting, y sigurando cumplimento cu standard di accounting den cuadro cu normanan di e compania.
Mayrene su promocion ta un testamento cu oportunidadnan dentro di industria di hospitalidad pa Arubanonan local por briya y aspira na yega posicionnan clave dentro di e isla su pilar economico primordial, ta algo cu sigur lo keda sosode dentro di e organisacion di Hilton.
Un mama jong di un mucha homber yama Matteo, Mayrene ta aprecia bida y ta gusta cushina y pasa tempo cu amigonan, mientras cu tog traha tempo pa su hobby cu ta yud’e conecta su mente y curpa, jogging. E ta bisa cu e experiencia di bira mama ta un di esun mas increibel cu el a yega di haya, y esaki ta hayando su mes den bon balans cu su trabao cual e ta stima, y ta disfruta e tempo cu e ta comparti cu su famia.
Director of Finance, Lennart de Bie, trahando na e resort desde 2019, a wordo promovi na e posicion di Director of Operations na Hilton Aruba. Lennart tabata un empleado hopi balioso desde e pandemia, demostrando un dedicacion excepcional, expertisio y compromiso, pushando pa cambio positivo y contribuyendo na un recuperacion y exito di e resort despues di e pandemia. Lennart a demostra di ta hopi instrumental den fermenta un ambiente laboral colaborativo cu ta promove crecemento y excelencia dentro di e team.
Manera Director of Operations, Lennart lo ta encarga cu e planificacion strategico y implementacion di varios iniciativa operacional, segurando e standard di mas halto di servicio y satisfaccion di nos bishitantenan. E lo ta responsabel pa maneha e operacionnan general di e hotel cu enfasis riba e expansion di e resort y su ampliacion, lansamento di e propiedad su di cuater parti cu guestrooms y revitalisacion di guestrooms y facilidadnan existente, incluyendo e lobby, restaurantnan y bars.
Lennart ta trece cu ne un rikesa di experiencia den su posicion nobo, biniendo for di e posicion di Finance Manager na varios propiedad di Hilton. Su experiencia diverso tambe ta inclui trabao na otro hotelnan den pasado den region Caribense, prome cu join e famia di Hilton Aruba. Como miembro di e team, e ta conoci pa su pasion pa coremento y ciclismo, cual ta refleha su entusiasmo y determinacion den su bida personal manera tambe su bida profesional.
Ambos Mayrene y Lennart a yama bon bini na Canades, General Manager Lawrence Larry Tuck, kende a join e famia di Hilton Aruba na April 2023. Larry ta encarga pa maneha e experiencia di nos bishitantenan y operacionnan hotelero di tur 357 camber.
Larry a cuminsa su trayectoria den hospitalidad den e escena culinario global cu varios marca, anto despues a haci su transicion na Food & Beverage y posicionnan di Resort Management na Four Seasons, Fairmont y Nobu Hotels. Hilton Arua ta orguyoso di por yama Larry bon bini na e team.
