Ariba di 2 dia di Pasco polis y ambulance a bay pariba di veld di Britania pa un accidente serio di trafico.
Polis a yega y ta topa cu un Kia Picanto y un Toyota Corolla color blanco hopi mas pariba di e Picanto.
Dos persona a resulta herida.
Na e sitio nos a compronde cu e Corolla pa un of otro motibo no a regula su velocidad y lastra un brake, pero asina mes ta dal masha duro mes tras di e Kia Picanto.
Ariba imagen por mira varios agente na un Prado, parse cu e chauffeur lo a presencia kiko a sosode.
Dos persona a resulta herida, unda cu nan a wordo trata door di Paramediconan y despues a sali direccion Hospitaal.
E caminda di Piedra Plat a keda cera pa un rato, pa departamento di trafico por a haci nan trabou.
