Emmastraat/ Rudolf Arendsstraat – Diahuebs atardi den careda di 5’or polis a bay pura e crusada conoci pa accidente cu ta Emmastraat cu Rudolf Arendsstraat. Ariba dicho crusada un accidente basta serio a sosode y tin hende herida.
Ambulance tambe tawata na caminda y un rato despues un di dos ambulance a wordo pidi, debi cu den ambos vehiculo tin persona herida.
Manera den casonan anterior, falta di preferencia a hunga un rol.E autonan envolvi ta un Nissan Versa y un Nissan March.
Por mira cu e Nissan Versa den e impacto a perde control y dal contra cura di un cas kibrando esaki.
Un parti di e crusada a wordo cera pa asina Paramediconan por a haci nan trabou y tambe polis di trafico cu a presenta.
Asina por mira cu despues di “basta” tempo e crusada aki ta keda uno unda tin persona no ta pone atencion ariba e borchinan di trafico of atencion den trafico.
