Diabierna dia 25 di juli recientemente a drenta e noticia cu e conocido dokter di cas,
dr Cyrill E. Zaandam a fayece na Hulanda despues di enfermedad di cancer di pros-
taat.
Dr. Zaandam tabata un conocido dokter cu henter su trayectoria como medico a traha na San Nicolas. Ya cu su 25 aña el a gradua como dokter di cas na Universi-
teit Utrecht y mesora a opta pa bin traha na su isla, hunto cu su casa dr. Mathilda
Zaandam-Verhees(qepd) Aña 1965
Dr. Zaandam tabata cocnoci como un dokter di pueblo cu semper a traha bisti cu
paña comun y no bisti cu e camisa special blanco di dokter.
Su ” medische praktijk” na San Nicolas a bira hopi conosi te cu na aña 1988 el a
funda ” Medische Praktijk C. E. Zaandam N.V.” , cu na e momento ey ya tabata
trata como 5000 – 6000 patient.
Na aña 1970 dr. Zaandam a funda ” Famia Planea Aruba”, cual instituto ta cum-
pliendo 55 aña dedicando na Salud Sexual Integral y Reproductivo dor di Educacion. Como medico dr. Zaandam a asisti na mas cu 3000 parto na Aruba.
Hopi Arubiano conosi a nace pa medio di su asistencia medico
Ariba empeño y initiativa fuerte di dr. Zaandam na aña 1981 San Nicolas a haya
su Centro Medico San Nicolas, cual awendia a cristalisa den Instituto Medico San-
Nicolas( IMSAN)
Dr. Zaandam a forma parti di directiva di Fundacion Coopercacion Desaroyo San
Nicolas funda na aña 1989, hunto cu personanan conosi den comunidad di Aruba.
Na aña 2005, despues di a traha 40 aña como medico na Aruba, dr. Cyrill Zaandam
a baha cu pension y a bai establece na Hulanda, caminda su dos yiunan ta biba.
Diasabra dia 2 di augustus 2025 na Loenen-Utrecht lo tuma lugar e acto di entierro
di dr. Cyrill Zaandam, kende a stima su isla, specialmente San Nicolas, masha hopi
mes.
QUE EN PAZ DESCANSE.
