Tur dos ta trece decepcion den bida di hende, ora influencia di droga baha , hende mester confronta cu e berdad di bida, y ora mentira sali na cla hende mester confronta nan realidad di bida.
Ora un hende ta droga e ta usa droga pa lubida e estado of situacion cu e ta den dje, pa asina e bira contento, of e hanja cierto forsa y curashi pa haci cosnan cu den su sano huicio e no por haci.
Ora un hende papia mentira, e ta pensa cu papiando mentira e por sali for di un situacion, pero ora berdad presenta e ta bin realiasa cu awor e ta mas pega, mescos cu ora un hende sali for di influencia di droga e ta sinti cu e mester usa pa e sinti bon.
Pero e no ta bay sinti su mes bon, pasobra e sentimento a wordo reemplasa pa droga, y si e no wordo libera di esey, lo e bira un addicto.
Uso di droga ta cuminsa na un edad hopi jong serca mayoria di hende, y sin nan tene cuenta edad ta subi y adiccion ta crece.
Ora un mucha cuminsa ganja for di chiki y su mayornan no hala su atencion y pone coreccionon fuerte riba e mucha e mucha ey ta bira un mentiroso, y si e no wordo libra di esey , e lo pasa hopi dificil den su bida, pasobra e no ta wordo confia.
E cos aki a bira manera normal den nos comunidad, droga ta wordo usa tur caminda, mucha y hende grandi,tin pensionado ta usa droga, pensionado adicto, hende cu mester a realisa pa hopi tempo caba, cu nan mester a sali for di e mentira ey.
Bo ta imaginabo un homber of un muher cu ta pensionado, tin di nan cobrando 2 pensioen y ta usando droga, y fin di luna nan cas ta yen di hoben, pasobra e persona tin plaka pa cumpra droga y e ta cumpra droga pa e hoben usa.
Papiamento di mentira ta algo delicado, pasobra mentira a kibra hopi bida, hopi famia, mentira ta causa violencia y hopi biaha a yega di causa morto.
Una bes den un matrimonio tin mentira, e nivel di confiansa tambe a baha, y ta algo cu mester deal cune rapido, prome cu e cria rais y destrui e matrimonio.
Adulterio ta un mentira for di cual esnan cu ta practica e cos aki nunca ta sali gana, pasobra esun cu ta den inmoralidad ta peca contra su mes curpa.
Hopi biaha tin hende cu ta den adulterio, ta kere nan mes cu nan ta great guy, macho man, y e hende muher ta kere cu e ta un superwomen, pero na final tur dos ta wordo decepciona y e berguensa lo ta grandi.
Nos ta bibando den un tempo cu hende kier gosa di bida, sin tene cuenta cu boluntad di Dios. Sin tene cuenta cu nos curpa ta tempel di Dios.
Hende ta ganja nan mes, y ta wordo ganja door di otronan, y tur hende mester sa cu e tata di mentira ta satanas, cu e bin solamente pa horta, pa mata y pa destrui. ( Juan 10:10).
Locual tin para scirbi den 1 Pedro 5:8 : Sea sobrio, sea alerta , boso adversario e diabel ta cana rond manera un leon cu ta grunja buscando ken e por devora.
Ta un gran berdad.
Hende cu ta kere y papia mentira, y ta usa droga, tin e porta habri den nan bida pa e malvado.y nan mester di ayudo awe mes.
Sinceramente Pastor Marcel Balootje
