Edadismo Kico e ta?
Un forma di discriminacion, unda un hende ta wordo abusa basa riba su edad. E rais di edadismo ta pa falta di Conocemento, Stereotipo y Prehuicio. Siguientemente un splicacion cortico di esakinan:
1: Stereotiponan (=Con ta pensa), Ehempel: Ora Supone y Generalisa con un Adulto Mayor mester Comporta, Bisti, Expresa. E stereotiponan cu ta resalta den practica ta:
E adulto Mayor No por cuida pa su mes, ta enfermo y mester bay den un instituto di cuido , No por tuma decision pa su mes. Ora e Adulto Mayor cuminsa lubida su Capacidad Mental lo bira deficiente y e lo tin Alzheimer, e no por tuma decision pa su mes, lo ta dependiente di otronan, ta fastioso, etc..E Stereotiponan aki riba Adulto Mayor
den comunidad ta reenforsa Edadismo y Discriminacion pa edad den Sociedad y ta causa condicionan mental, ta poco poco, hasta keho di dolornan (cronico), problema pa drumi, depresion condicionan NO saludabel, etc.
2: Prehuicio (Con nos ta sinti) no duna un adulto mayor e promocion cu e merece pasobra e ta bieu, aunke cu e ta cualifica pa esaki. Ora tin training of workshop of oportunidad pa networking, ta prefera di duna un hoben.
3: DiscriminACION pa Edad: Con TRATA (=acion) otronan of trata nos mes a base di edad y Discriminacion riba Edad.
Edadismo ta afecta hende di tur edad: bieu y jong, Pero e ta mas comun cerca Adulto Mayor. Sinembargo, nos cultura ta inclina na glorifica hubentud, loke frecuentemente ta haci Adultonan Mayor victimanan di discriminacion y negatividad basa riba Edad. Algun ehempel unda por experiencia Edadismo?
BANCO: Ciere di Sucursalnan y e digitalisacion rapido, asocia cu e Pandemia, a Discrimina Adultonan Mayor! Por ehempel: a limita uso di “Cash” y ta exigi tarheta of online banking! Mayoría Adulto Mayor a sintisumes discrimina y hasta obliga laga un hoben haci e tramitenan financiero aki pa e Adulto Mayor.
MEDIONAN Y PUBLICIDAD: Representacion di Adultonan Mayorta minimo. Medionan di Comunicacion ta reenforsa Stereotiponan, Discriminatorio cu, a lo largo ta afecta e forma con sociedad ta trata Adultonan Mayor.Riba medionan socialsa stereotipa Adultonan Mayor como “Analfabetonan Tecnologico” y di a keda stanca den nan custumber di antes; esaki por contribui facilmente na Prehuicionan den mundo real.
SERVICIONAN DIGITAL: E innovacion tecnologico ta wordo mira como un solucion y hasta considera di tin e potencial di enfrenta desafíonan di un sociedad cu ta envehece, mehora e calidad di bida y bienestar y atencion medico di e adulto mayor, y apoya e envehecimento den un ambiente sigur y independiente. .Na mes momento, adultonan mayor sa experiencia discriminacion riba edad, defini como stereotiponan, prehuicio y discriminacion, den contexto di tecnologia digital. E stereotiponan aki ta presente den diverso contexto (por ehempel, riba tereno laboral, atencion medico y medionan di comunicacion) y por obstaculisa e envehecimento activo y exitoso den unmundo altamente digitalisa. Hopi biaha esnan cu ta stereotipa e Adulto Mayor como No ta Interesa of no ta capaz di siña, familiarisa, comprende y profundisa e Mundo Digital.
MERCADO LABORAL: Discriminacion pa edad structural ta obvio cerca e Adulto Mayor cu ta sintisu mes vital y motiva ainda pa por sigui traha. Eabuso aki ta ensera wordo nenga trabou cu e excusa di ta “Overqualified” djis pa no bisa cu ta pa motibo di su edad. Na otro banda si un pensionado cu kier sigi traha pa gana algo extra,riba un pensionminimo (900 florin), mester experiencia cu miho e no traha pa un extra entrada ya cu ta haya su mes ta paga mitad di su salario na belasting.
SERVICIO DEN SALUBRIDAD
Den e trato duna na Adultonan Mayor den salubridad sa ta uno Discriminatorio: Ehempel: Exclusion of minimalisa e Adultonan Mayor di 70+ di cierto Tratamento (nan). Comunidad tin e tendencia di potreta/mira e Adulto Mayor como un hende enfermo. Hopi ta esnan cu ta kere ERONEAMENTE cu dolor cronico, depresion of un deterioro cognitivo ta sosode como consecuencia NATURAL di Envehecimento. Tambe tin cu ta di opinion cu PROBLEMA
CU SALUD TA INEVITABLE ora subi di edad y cu Alzheimerta algo cu tur adulto mayor ariba di 70 aña lo sufri di dje. Algun Expresion Discriminatorio na un Adulto Mayor: Nada mas por wordo haci, mester SIÑA biba cu su condicion?, Bo mester realisa cu bo ta “Uitgeleefd” of tin un “Voltooid Leven”…Sa nenga duna diagnosis ora pidi pa esaki.
Polifarmacia: Tin Adulto mayor cu ta usandomas cu 6 remedi pa dia, hasta tin adulto mayor cu ta tumando e droganan aki pa hop aña y ta adicto caba.
Ta conoci cu tin hopi adultonan mayor cu ta wordo prescribi remedi pa drumi y ansiedad, sin guia pa minimalisa e uso. Esaki ta traha adictivo y ta dañino pa e cerebro di e Adulto Mayor.
E Adulto Mayorsu keho No tur ora ta wordo tuma na serio den e area di salud y hasta por wordo descarta como uno EXAGERA! Sa pasa cu un Adulto Mayor lo no haña cierto tratamento pasobra e medico por conclui cu e Tratamento aki lo resulta demasiado dificil of costoso pa un Adulto Mayor, Ya cu su salud ya ta den deterioro.
Durante Pandemia Covid-19 sistema di “Triage” tabata uno Discriminatorio pa edad unda profesionalnan medico tabata inclina pa Duna Trato Preferencial na esnan mas jong, riba un Adulto Mayor cu Prognostico Similar. Covid-19 tambe a duna empuhe na cambio di mentalidad tocante ken por/mag keda biba y kende NO.Banda di Eutanasia (regla pa e individuo mes pa pone fin na su bida), Aruba tambe conoce e asina yama SEDACION PALIATIVO….
EDADISMO NA PIA DI TRABOU:
Algun ehempel : Duna Comentario, haci “Chansa” of Cherche riba edad di parti di un hefe of compañero di trabou. (Alzheimer/ Demencia??). No contrata pa un funcion/ trabou, tampoco pa promocion aunke cu e ta cualifica pa esaki.
Discriminacion pa Edad NO Intencional: E Accion aki ta sin intencion discriminatorio cu algomas cu mita di e poblacion ta admiti di haci esaki of ta mira esaki como un compliment.Ehempel: Usa frase manera: “Bo no por siña Triki Nobo na un Lora bieu.” Dicho: “Bo ta mustra Bon pa bo Edad” etc.
Sin duda, un trahador pensiona y motiva, por tin un balor substancial pa cualkier organisacion. Pero su habilidadnan tecnologico/ digital por forma un barera p’e. “Upskilling”, por ta un oportunidad pa expande su habilidadnan.
Pa un guia di un Mentor por caba bon esaki mester ta basa riba confiansa, unda e mentor ta concidera e alumno (bieu of jong) como un persona completo: esta su identidad, su antecedente cultural, interesnan, obhetividad, fortaleza y areaman di desaroyo, experiencia, etc. Un Mentor no necesariamente mester ta un hende mayor di edad. Siguramente ora ta trata di conocemento di e desaroyo digital. P’esey nos por pensa di minimalisa e asina jama‘Generation gap’ y experimenta cu e idea di ‘Mentor Inclusivo’; unda un Adulto Mayor por mentora un hoben y un hoben por mentora e adulto mayor . E sistema aki por sirbi como un solucion pa minimalisa Edadismo yminimalisa e ‘Generation Gap’ y ‘Stereotiponan di edad’.
3
