Dialuna atardi, Prome Minister Evelyn Wever-Croes hunto cu Departamento di Cultura y Comision Celebracion Dianan Nacional (CCDN), a haci un recorido y a bishita diferente evenemento rond di Aruba. Manera tur aña a resalta e manera cu nos pueblo ta celebra nos tradicion inculcando e balor di nos cultura den nos muchanan y nos hobennan cu ta esnan cu lo sigui conserva nos cultura ora nan bira grandi. Na Aruba ta hopi ciudadano nos tin asina, cu desde mucha nan a cuminsa participa na eventonan tradicional di nos pais y a crece bira baluartenan di nos tradicionnan cultural.
![](https://solodipueblo.com/wp-content/uploads/2024/06/MP-Reconocimento-Dera-Gay-PR2-10-1024x683.jpg)
Centro Bario Tanki Leendert e aña aki a honra dos di e ciudadanonan aki cu pa hopi aña a contribui na nos cultura no solamente pa e barionan di Tanki Leendert y Tanki Flip pero pa Aruba en general. Den nomber di Minister di Cultura, Xiomara Maduro y den nomber di Gobierno di Aruba, Prome Minister a presenta reconocimento na dos Baluarte di Cultura gradiciendo nan pa nan contribucion na nos tradicionnan.
![](https://solodipueblo.com/wp-content/uploads/2024/06/MP-Reconocimento-Dera-Gay-PR2-9-683x1024.jpg)
Sr. Oslin Ismail, pa su talento como musico, cantante y compositor pa mas di 25 aña manteniendo nos cultura, tradicion y musica tipico.
![](https://solodipueblo.com/wp-content/uploads/2024/06/MP-Reconocimento-Dera-Gay-PR2-8-1024x683.jpg)
Sr. John Francis Jacobs pa su carera artistico como musico y cantante pa mas di 50 aña manteniendo nos tradicion y cultura musical.
![](https://solodipueblo.com/wp-content/uploads/2024/06/MP-Reconocimento-Dera-Gay-PR2-7-1024x683.jpg)
Den nomber di pueblo di Aruba, Prome Minister ta gradici y felicita Sr. Oslin Ismail y Sr. John Francis Jacobs pa tur loke nan ta haci pa engrandece, mantene y fortalece cultura di nos pais.
![](https://solodipueblo.com/wp-content/uploads/2024/06/MP-Reconocimento-Dera-Gay-PR2-6-1024x683.jpg)
![](https://solodipueblo.com/wp-content/uploads/2024/06/MP-Reconocimento-Dera-Gay-PR2-3-1024x683.jpg)
![](https://solodipueblo.com/wp-content/uploads/2024/06/MP-Reconocimento-Dera-Gay-PR2-2-1024x683.jpg)
![](https://solodipueblo.com/wp-content/uploads/2024/06/MP-Reconocimento-Dera-Gay-PR2-13-1024x683.jpg)
![](https://solodipueblo.com/wp-content/uploads/2024/06/MP-Reconocimento-Dera-Gay-PR2-12-1024x683.jpg)