NOORD, ARUBA (NOVEMBER 24, 2021) Dushi Tera Resort & Condo  Management LLC, e compania di administracion di hotel y condominio basa na  Aruba ta anuncia e cambio di nomber di Aruba’s Life Vacation Residences, ubica  den curason di Noord, Aruba un compleho di residencia nobo construi, habri fe november 2019, como e prome “BW Signature Collection by Best Western” na  Aruba, cuminsado december 2021. E residencia ta propiedad di Wondersea  Investments NV y ta wordo administra door di Dushi Tera Resort & Condo  Management LLC. 

“Nos ta orgulloso di uni forza cu Best Western Hotels & Resorts Group y afilia nos compleho cual ainda ta nobo cu e prestigioso ‘BW Signature Collection by Best  Western’, y cuminsa ofrece nos huespednan e beneficionan di Best Western  Rewards”, ta bisa Willie Chin, presidente y director ehecutivo di Dushi Tera Resort  & Condo Management LLC. Klaus Moser, socio gerente di e empresa en gestion, ta agrega: “Semper nos ta busca pa optimalisa e rendimento y e balor di nos  hotelnan, ademas di e recuperacion di e demanda fuerte di vakantie na Aruba  hunto cu e marca, lo presenta un oportunidad di crecimiento excepcional pa Aruba’s Life Vacation Residences na aña 2022 y mas aya”. 

“BW Signature Collection by Best Western” ta un marca “suave” di e coleccion  caminda e huespednan por disfruta di un hotel cuidadosamente selecciona cu ta refleha e sabor local y e destino di e isla. Atraendo e huespednan cu un  experiencia unico di e hotel y cu un sensacion di sinti manera bo ta na cas.

E cambernan, cual ta consisti di 47 unidadnan ta disponibel den tres tipo di accomodacion, cual ta e Junior Suite, Condominio di un camber y di dos  cambernan tambe, y un seleccion di diferente bista pa e hardin, pool y hasta e impresionante bista di nos dushi isla. Tur, cu exhepcion di e Junior Suites, tin su  cushina, comedor y sala totalmente equipa. E caracteristicanan unico di e compleho ta inclui dos piscina conecta door di un “lap pool” di 25 meter largo y  dos cancha di beach tennis, cu ta brinda comodidad cu no ta haña na ningun otro  luga riba isla. 

Over di Aruba’s Life Vacation Residences: Aruba’s Life Vacation Residences, ta  un resort y residencia, convenientemente ubica den un vecindario tranquilo na Noord, unda tin lama, restaurant, casino y atraccionnan cerca na solamente algun minuut di distancia. Cu cambernan comodo y bon equipa consistiendo di 8 Junior  Suites, 2 condominionan di un camber y 37 condominionan di dos cambernan, un  restaurante deli banda di e pool sirbiendo breakfast, lunch, dinner y cocktails, lap  pool di 25 meter, area di BBQ, dos cancha di beach tennis, parkeerplaats amplio cu entrada controla y coneccion di Wi-Fi gratis.

Over di Best Western® Hotels & Resorts: Best Western Hotels & Resorts, cu sede  na Phoenix, Arizona, e ta un marca di hotel priva den e red global di BWH Hotel  GroupSM. Cu 18 marca y aproximadamente 4,700 hotelnan den mas cu 100 pais y  territorio den henter mundo*, BWH Hotel Group ta adapta na e necesidad nan di desaroyado nan y invitado nan den tur los mercado. E marca ta inclui Best  Western®, Best Western Plus®, Best Western Premier®, Executive Residency by Best  Western®, Vīb®, GLō®, Aiden®, Sadie®, BW Premier Collection® y BW Signature  Collection®. Pa medio di adquisicion, tambe nan ta ofrece e coleccionnan  WorldHotelsTM Luxury, WorldHotels Elite, WorldHotels Distinctive y WorldHotels  Crafted. Completando e portofolio di franquicia ta SureStay®, SureStay Plus®,  SureStay Collection® y SureStay StudioSM **. Pa mas informacion bishita www.bestwestern.com www.bestwesterndevelopers.com www.worldhotels.com y www.surestay.com

LEAVE A REPLY

Please enter your comment!
Please enter your name here