Dutch Caribbean Nature Alliance ta tene Masterclass cu Parlamentario Hulandes tocante Conservacion di Naturalesa y e Impactonan di Cambio di Clima den Caribe Hulandes

Ta tene reunion cu varios Ministerio, Organisacion Asocia, Politico Hulandes y Institucion di investigacion Hulandes

Den Haag- Durante dies dia di reunion oficial, Dutch Caribbean Nature Alliance (DCNA) a tene un masterclass pa e miembronan di Parlamento Hulandes, den cua nan a splica e personanan cu a asisti con importante ta pa apoya conservacion di naturalesa den Caribe Hulandes y pa pone mas atencion na cambio di clima riba e islanan.

Durante dies dia di reunion aki na Hulanda cu varios stakeholder, nos a haya cu ta fundamental pa tuma algo cu ainda falta di conocimento pa conservacion di naturalesa den e hotspot di biodiversidad den Reino Hulandes; Caribe Hulandes. Ta p’esey un di e principal iniciativanan cu nos a tuma tabata organisa un masterclass tocante conservacion di naturalesa den Caribe Hulandes, nos exitonan y desafionan, y loke ta necesario pa aumenta e biennan y e servicio cu naturalesa ta brinda pa sostenibilidad socioeconomico di e islanan, ya cu nos ta emergi den un realidad pospandemico ”, e director di DCNA, Tadzio Bervoets, a comenta. Durante e reunion, e personanan cu a asisti a ricibi informacion tocante estado di conservacion di naturalesa riba e seis islanan di Caribe Hulandes, e necesidad di inclui e seis islanan di Caribe Hulandes den e decisionnan tocante cambio climatico di Gobierno di Reino y e necesidad pa apoya financieramente conservacion di naturalesa riba e islanan.

Un di e problemanan mas notabel cu a surgi durante e reunionnan, sea cu tabata cu e Ministerio BZK, e Ministerio di Asunto Economico y Cambio Climatico, of cu varios miembro di Parlamento di Hulanda, tabata falta di conciencia di Conservacion di Naturalesa den Caribe Hulandes y con pa protega naturalesa y garantisa un futuro financiero sostenibel pa e islanan. P’esey tabata importante pa reuni cu e respectivo tumadonan di decision, e organisacionnan di naturalesa asocia y institucionnan di investigacion pa sigura cu, na Hulanda, conservacion di naturalesa, Cambio Climatico y Maneho di Area Protegi den Caribe Hulandes tin luga importante riba agenda. Esakinan tabata e metanan principal di loke hopi biaha tabata debate intenso y prolonga ”, Bervoets a continua.

Durante e reunionnan, DCNA a solicita specificamente pa tene cuenta cu e impactonan di Cambio di Clima y e impactonan riba Naturalesa, Sociedad y Economia di e sociedadnan mas vulnerabel di Reino, esnan di Caribe Hulandes, durante e proceso di tuma decision, specificamente si esaki ta relaciona cu e discusionnan andando como parti di e proceso di formacion y poniendo apoyo na Naturalesa di Caribe Hulandes den futuro programa di gobernacion.

DCNA Director Tadzio Bervoets giving numerous presentations to Ministries, Partner Organizations, Dutch Politicians and Dutch Research Institutions on Nature Conservation and the Impacts of Climate Change in the Dutch Caribbean.

LEAVE A REPLY

Please enter your comment!
Please enter your name here