Tur persona cu ta traha por “burn/kima” y awor mas cu nunca nos mester ta mas alerto pa esaki.
Nos lo trata di contabo tur locual bo mester sa di burn-out of asina yama “Burn-Out” syndroom.
Na momento cu nos tin cu deal cu un colega cu tin burn-out, e por confundi nos masha hopi mes y pone bo pensa cosnan cu no ta berdad.
E colega ey por mustra rabiá, sin expresion of sumamente sensitive, y na nos turno bo lo pensa e persona/colega ey tin algo personal contra bo.
Esaki sigur lo crea hopi tension den e ambiente di trabou.
Di nos banda como colega, tin di demostra “empatia di comprension” cu ta crusial pa yuda e colega. Aunke cu bo lo tin gana di “discuti” pa no bisa otro cos cu e colega aki.
Pues e palabra empatia y comprension ta sumamente importante den un situacion asina.
Desde comienso di e Pandemia na maart 2020, hopi di nos a stop di bay oficina y a cuminsa traha for di cas. E “normal nobo” aki a causa cu e empleado a mira cu su orario di trabou a wordo gerek pues a bira mas largo.
For di un estudio recientemente haci a mustra cu e empleado ta experiencia e profesional burn-out aki na un edad relativamente jong cu ta rond di 32aña. Un di cada 3 persona a bisa cu esaki ta bin door di traha na cas y e dianan largo di trabou.
Asina tambe un otro estudio nobo ta indica cu e sentimiento di burn-out ta alimenta e sentimiento di stress, cu ta un combo hopi devastador si bo no haya ayudo pe.
Na un manera simpel bisa, un persona cu yega e punto di “burn-out” su capacidad pa deal cu stress tambe ta baha dramaticamente.
Esaki na su turno ta causa cu e colega/persona cualkier tarea pa su persona ta bira mas dificil na trabou, pa con chikito cu e por ta.
Siguientemente nos lo trata na splica algun señal di “burn-out” y con pa surpasa esaki.
Kiko ta señalnan mas comun di “burn-out”.
“Cansancio, y ta menos eficiente na trabou”. Tin hende cu ta sinti nan mes “kima” lo nota tambe cu e ta fisicamente y/of emocionalmente cansa.
E personanan aki ta experencia un nivel halto di cansancio, nan ta bira hopi negativo y ta distancia di nan trabou, ta distancia di coleganan y te hasta di cliente. Nan moral ta abou y ta sinti cu nan no por mas.
Burn-out ta causa tambe cu nos ta bira menos dependiente di locual nos por. Un hende cu ta “kima” den su trabou, constantemente lo ta preocupa of carga cabes di locual e ta haciendo, causando insiguridad den su trabou.
Nan ta pensa cu nan lo faya na trabou of cu nan no ta suficientemente bon y tambe cu nan no ta wordo aprecia of cu nan lo no por cu e trabou.
Den hopi caso un cansancio intenso lo wordo sinti y nan manera di drumi y/of dieta(manera di alimenta) tambe ta wordo afecta.
Esaki por causa un subida di e presion di sanger, personanan cu malesanan cronico por bay ripara cu nan sintomanan ta empeora, cu e chance grandi cu nan ta bira malo
Problema grandi ta cu mayoria di esnan cu bayendo rechtstreeks na un “burn-out” no ta reconoce e sintomanan.
E origen mas importante ta stress cronico abnormalmente halto di trabou.
Si ta pa prome biaha cu bo a/ta traha via di bo cas bo lo por nota cu bo lo pasa e grens cu antes bo lo no tawata pasa. Tambe e ta bira dificil pa diferencia trabou y tempo liber.
Tin hopi cos a pasa y ta pasando despues cu e Pandemia a cuminsa na maart 2020, y ta di importancia cu nos por duna “nos mes permiso” pa ta mas cansa y menos productivo y pa por sinti menos gestressed y preocupa. Bo mester por duna bo mes mas tempo ora bo mester di dje.
Ta importante pa nos puntra nos mes con ta bay cu nos mes. Pone limitacionnan serio ora ta trata di ora y espacio, vooral si bo ta trahando unda cu bo ta bibando.
¿Kiko nos por haci pa preveni esaki? Nos lo trata algun punto, sino e lo bira mucho largo.
Ta crusial pabo scucha di bo curpa y pone un limite. E prome paso ta reconoce y admiti cu bo ta coriendo risico di haya un asina yama burn-out of cu ya caba bo tin e. Tin biaha e no ta facil pa acepta esaki, debi cu nos no kier acepta cu nos ta vulnerabel, pero aceptando esaki ta yuda pone un basis pa un miho cambio den futuro.
Locual ta recomenda ta un meeting cu bo hefe, esey ta un bon punto di salida, tambe dunando prioridad ariba kiko ta esencial ariba locual no ta realistico cu bo capacidad y di otronan.
Ta dificil pa abo kies un poco tempo pabo mes, porehempel algun dia liber pabo relax of haciendo algun actividad cu abo ta gusta solamente pa abo y bo mes, sigur lo yuda bo pa ta mas den balans, vooral den e tempo aki cu ta exigi asina hopi di cada un di nos.
Pa conclui, busca y pidi pa ayudo si bo mester. Usa tur e support cu bo por tin y of construi esaki completamente di nobo si bo ta sinti cu bo mester. No ta importa si bo buske na bo trabou, cerca famia of amigonan of di un Therapeut.
Tin hende cu burn-out cu banda di nan A.O(arbeids ongeschikt) lo tin mester di haya terapia pa yudanan recupera y drenta e mercado laboral bek.
Tin hopi hende cu a vence burn-out y semper tin speransa.
E berdad ta cu un sentimiento di ta “kima” na trabou por siña nos hopi puntonan importante di nos mes pa den futuro nos por traha na un manera mas balansa y aceptabel.
Pero lo mas importante cu tur esaki por siña nos ta con pa detecta e señalnan di burn-out mas lihe, si nos core e risico di haye un biaha mas.
