E pelicula mas bishita na Aruba den 2025, esta E Bruha, Bruhá 1 a ricibi 5 nominacion pa cu e premio prestigioso “Kadushi di Oro” 25 di Krioyo Film Festival.
E impacto di e pelicula Arubano aki di productor Desiree Croes, durante di Krioyo Film Festival 2025, tabata grandi y e hurado a eligie entre e mihonan di e festival. E competencia ta entre produccion- y actuacionnan di productor- y actornan di Aruba, Bonaire y Corsou.
E categorianan cu EBB1 ta nomina aden ta:
- Miho Actris – Desiree Croes
- Miho Actor – Addonsito Croes
- Miho Actris di reparto – Yvonne Tromp
- Miho Director – Desiree Croes
- Miho Pelicula 2025 – E Bruha, Bruha.
E nominacion ta den gruponan di 2 y 3 y for di esakinan lo saca 1 ganador pa categoria dia 29 di december proximo. E productor y actornan ta keda agradecido pa cada nominacion cu ya caba ta un honor grandi. Tambe e crew ta felicita Omar Harms y Jeng Leon pa e nominacion pa miho montahe den The Prime Ministers y Michael Lampe pa su nominacion pa miho musica di fondo pa Tribute to Margareth Abraham.
