Tres luna pasa a estrena e pelicula E Bruha, Bruhá y mas cu 1400 persona local a mir’e den entre otro cinemanan local pa dos siman.
Cu orguyo Desiree Croes y e crew completo di e pelicula local E Bruha, Bruhá ta informa y comparti cu e pelicula ta acepta oficialmente pa participa den e dos edicionnan di e festival di pelicula ‘Krioyo’. E edicionnan aki ta esun di Sambil, Corsou y tambe na Krioyo film festival Amsterdam 2025 den Bijlmerbios. Esun di Corsou ta 26 , 27, 28, 29, 30 y 31 di october y Amsterdam ta dianan 3,4 y 5 di october 2025.
Den E Bruha, Bruhá actornan di pelicula Yvonne Tromp, Mirto Tromp, Yolanda Croes, Desiree Croes, Addonsito Croes, Ruben Croes, Liliana Rasmijn y Nigel Maduro ta forma e cast. E voiceover ta di Erin Croes.
Aña 2024 tabatin e estreno di Krioyo Film Festival na Sambil, Corsou y e pelicula ‘E Berguensa’ di Desiree Croes y actua pa Addonsito Croes, Lelicia Tromp, Safire Croes, Maroeshka Cornelie, Lilian Besselink y Ruben Croes a resulta e ganador di e premio Cadushi di Oro.
Ta anima un y tur cu a mira e Bruha, Bruhá caba y cu a gust’e pa anima tur conoci na Hulanda y Corsou pa bishita e festival na october y disfruta di e produccion di Berea Productions cu ta netamente Arubano.
