E ciego no por mira, pero su fe ta haci cu e ta reconoce ken Hesus ta. Ora e tende cu Hesus ta pasa, e ta grita: ”Hesus, Yiu di David, tene misericordia cu mi!” Hende ta purba di hacie keto, pero e ta grita. Hesus ta para y puntr’e kico e kier. ”Señor, laga mi mira,” e ta contesta. Hesus ta san’e, y e ta sigui Hesus, alabando Dios. E historia ta invita nos pa acerca Hesus cu humildad y confianza, tambe den momento dificil. Tin biaha nos no sa cua caminda nos mester sigui, of nos ta sinti temor y preocupacion pa nos famia. Nos por grita na Hesus cu nos curason, sigur cu E ta scucha. Durante misa, ora e pastoor haci e Consagracion, nos por bisa cu fe: ”Mi Señor y mi Dios.” Hesus ta presente, y nos ta pidi: ”Aumenta mi fe.” Manera e ciego, nos ta busca Hesus pa E habri nos wowonan y guia nos bida.

Oracion: Mi Señor y mi Dios, aumenta mi fe. Hesus, Yiu di David, tene misericordia cu mi y mi famia, esaki mi ta resa ora mi ta na misa y e pastoor haci e Consagracion. Yuda mi reconoce Bo presencia cu amor y adoracion. Habri mi wowonan pa mira Bo bondad; duna mi confianza den momento dificil y guia mi famia den Bo caminda. Amen.