Si nos wak bon, ora nos como mayor no lanta nos yuinan den e caminda di Señor, ta un hecho di desobedencia na Dios, pero tambe e ta haci dolor na nos tambe, pasobra e respet na nos como mayor ta debilita.
Awor mas cu nunca e ta visto pa tur hende cu ta necesario pa lanta nos yuinan den e caminda di Señor.
Ora un mayor keda sin hacie of neglisha nos ta lantando muchanan sin temor di Dios, y cu den un futuro tin chens di bin falta respet na e mayor mes.
Palabra di Dios ta bisa den Efesionan 6:1-4: Yuinan obedece boso mayornan den Señor, pasobra esaki ta husto. Honra bo tata y bo mama( Cu ta e prome mandamento cu promesa) Pa bay bo bon y pa bo tin bida largo riba tera.Y boso mayornan no provoca boso yuinan na rabia,ma lanta nan den e disiplina y instruccion di Señor.
E palabra di Dios aki no ta djis algo, pa impresiona, pero e ta algo serio cu nos mester cumpli cune, pasobra di e palabra aki henter e mucha su bida ta depende, pasobra e mester cuminsa na cas,Ora e mucha yega riba caya, ta laat caba, pasobra caya ta contamina bida di un hoben, pasobra caya ta yenando dia pa dia cu maldad y malicia.
Pa e mayor lanta e mucha den Señor e mayor tambe mester busca di Señor pa e por sa kico Dios ta exigi di su bida como mayor, pa e tambe ta canando den e caminda di Señor pasobra , bo no por hiba un hende un caminda cu bo mes no a yega of conoce.
E falta di conocemento di palabra di Dios den bida di un hoben, ta hunga un rol hopi grandi den e decisionnan cu mester tuma den su bida, pasobra na prome lugar e mester ken e ta, y na ken e ta pertenece.
Y esaki su mayornan mester splike bon cla for di chikito, y asina e ta lanta cu temor di Dios, cu un amor pa Cristo Hesus, pa asina e lanta cu amor pa su mayornan tambe, pasobra nan a tuma e paso sagrado di lanta e mucha den Cristo y awor nan ta gosa di e resultado.
Bijbel ta mustra kico ta pasa ora mayornan no tin tempo pa coregi nan yuinan.
Esey a pasa den bida Haguit cu Adonias cu kier a bira rey y a causa hopi problema(1 Reynan 1:5-53).
Sacerdote Eli tampoco a coregi y disiplina su dos yiu homber Ofnis y Finees esey a costa su bida y nan bida riba mesun dia.( 1 Samuel 2:22-25).
David no por a coregi Jonathan su yiu , pasobra e mes tabata den pica, y pa motibo di su pica su propio yiu a bira contra dje.( 2 Samuel 15:1-12).
Nos bida como mayor ta hunga un gran rol den e educacion di nos yuinan, pasobra si nos mes ta leu for di e palabra of den pica, con nos por trece nos yuinan den e palabra?
Y Pedro a contesta nan : Repenti y laga cada uno di boso wordo batisa den e nomber di Hesus Cristo pa pordon di boso picanan y boso lo ricibi e don di Spirito Santo. Pasobra e promesa ta pa boso y boso yuinan y pa tur cu ta leu, pa tur esnan cu Señor nos Dios, lo yama serca dje.( Hechonan 2:38-39)
Ta bon pa lanta nos yuinan den caminda di Señor, pasobra como mayor esaki ta nifica obedencia na Dios.
Sinceramente, Pastor Marcel Balootje.
