Despues di dos aña largo, e di cuatro Annual Long Table Aruba organiza pa Wind Creek Aruba ta back na nos isla cu un “white-hot dinner” pa un anochi cu a wordo cataloga di ta “E unico cena cu un valor di $ 40.000 na Aruba”.
E aña aki e evento ta programa pa tuma lugar diadumingo 28 di Augustus y lo encera e tan gusta mesa di 1.000 pia largo cu lo sinta 1.000 invitado, situa pafor di Renaissance Wind Creek Aruba Resort den centro di Oranjestad, cu vista pa e Marina. Tickets lo costa $40 pa persona y lo ta na venta cuminzando dia 15 di Juni. Desde su creacion na 2017, Long Table Aruba a recauda mas di $75.000 na beneficio di diferente organizacionan caritativo na Aruba y ta e evento estrella di e operation di Wind Creek Aruba.
E evento di e aña aki lo marca e di cinco aniversario cu Wind Creek Aruba a tuma over Renaissance Aruba y pa celebra e logro aki Wind Creek Hospitality lo haci un donacion di $40,000 na un organizacion caritativo local – un suma cu ta mas grandi cu tur e donacionnan di e Long Table nan anterior.
“Nos propiedadnan globalmente ta comprometi pa incorpora nos mes den e tela d e comunidadnan caminda nos ta biba y traha”. Esey ta palabranan di Gerente General di Wind Creek Aruba, Sr. Paul Gielen. “Eventonan manera Long Table Aruba ta ofrece hospitalidad den e mihor sentido di e palabra – un chance pa miembronan di nos comunidad comparti y brasa otro; tur esey mientras cu nan ta encurasha e espirito solidario cu cual ta haci e isla aki mas cu un hogar pa hopi di nos.”
E evento di e aña aki lo conta cu un proceso dirigi riba nos comunidad pa elegi e organizacion caritativo cu lo beneficia di e donacionan, cual lo wordo anuncia despues. E impacto riba comunidad y ayudo ora di calamidad ta un principio di Wind Creek Aruba su operacion. Desde su llegada riba nos isla, Wind Creek Aruba a recauda fondonan a traves di su eventonan distintivo, Long Table Aruba y Winter Wonderland, ademas di ofrece donacionan hospitalario y di cuminda durante henter e aña na organizacionan cu tin mester di apoyo ora di disaster.
Gielen a continua: “E ultimo dos añanan a trece momentonan dificil, pero tambe speranza pa nos islai. Nos kier tende directamente for di organizacionan kiko ta nan necesidadnan, con nos por yuda haci un impacto, y con nos por usa e percepcion di e comunidad pa evoluciona nos programa di donacion.
Nos ta keda na espera di comparti e detallenan cu boso pronto, y pa waak e Long Table bira un realidad pa un anochi inolvidable.
