PHOTO BY ARTN

E di cuatro conferencia anual di Foro di Pago Nacional (FPN), organisa pa Banco Central di Aruba (BCA), a trece hunto mas di 100 representante di Aruba su sector financiero, proveedornan di servicionan di pago, institutonan di e sectornan priva y publico, y organisacionnan regional y internacional pa discuti e tema “Con Inteligencia Artificial ta Transformando Experiencianan Digital di Pago.” E conferencia, cu a tuma luga na Aruba Marriott Resort & Stellaris Casino, a sirbi como un plataforma pa comparti conocemento y explora e oportunidadnan, retonan y implicacionnan di inteligencia artificial (IA) pa e futuro di pagonan digital.  

PHOTO BY ARTN

E conferencia a cuminsa cu un discurso di Sr. Thomas Domhoff, Presidente di BCA, kende a enfatisa e importancia di colaboracion y a comparti conocemento entre e stakeholders di e ecosistema di pago di Aruba. Reflehando riba e tema di e conferencia, e a resalta e rol creciente di IA den stimula innovacion den e sector di pago y a subraya e importancia di utilisa e avancenan aki na un manera responsabel pa mantene un sistema di pago sigur, eficiente y cla pa futuro.  Sr. Domhoff a enfatisa tambe e balor di e conferencia como un plataforma pa siƱa, intercambia perpectivanan, y fomenta cooperacion den e industria. 

PHOTO BY ARTN

Despues, Sra. Miriam Gonzalez, Directora Ehecutivo di BCA y Presidente di e FPN, a destaca e impacto transformativo di IA riba e sector di pago y e importancia di compronde tanto e oportunidadnan como e retonan cu e ta trece cune pa Aruba. E a enfatisa e rol di FPN como un plataforma pa trece stakeholders huntu pa intercambia conocimento, discuti desaroyonan nobo, y fomenta cooperacion. Ademas, Sra. Gonzalez a refleha riba e uzo responsabel di IA, y a motiva participantenan pa explora con innovacion por contribui na un avance continuo di e panorama di pago na Aruba.  

PHOTO BY ARTN

E conferencia a conta cu un presentacion di Dr. Kristel de Nobrega, Manager di e Division di Tecnologia, Siguridad y Data na BCA, Presidente di e Cluster Nacional di Respuesta na Crisis di Seguridad Cibernetico na Aruba, y Vice-presidente di CISG (Cybersecurity Information Sharing Group) di e Chief Information Security Officers (CISOs) di e banconan central den e region CARICOM, kende a papia tocante e oportunidadnan y riesgonan relaciona cu IA den un mundo cada biaha mas digital. Den su presentacion, e a explora tres scenario relaciona cu IA:

  • Personanan manipulando of abusando di sistemanan di IA
  • Personanan uzando IA pa manipula of abusa di otro sistemananĀ 
  • IA manipulando of abusando otro sistemanan riba su mes, den algun caso sin mal intencion

Un di e momentonan culminante di e conferencia tabata e panel riba e topico ā€œE Rol di IA den Area di Pago na Aruba.ā€ E panel tabata consisti di representantenan di e banconan comercial di Aruba: Sr. Samuel Dotro, Chief Digital Officer di MCB Group, representando Caribbean Mercantile Bank Aruba N.V.; Sra. Marilinda Mansur-Croes, Transformation Officer na AIB Bank N.V.; Sr. Nigel Wix, Regional Manager IT | AI & Data na Aruba Bank N.V. y Orco Bank N.V.; y Sr. Pierre Rafini, Vicepresidente di Commercial Banking pa Caribe Hulandes, Country Manager pa Aruba y Managing Director di RBC Royal Bank Aruba N.V. E panelistanan a comparti conocemento practico relata na con nan institucionnan ta explorando y implementando solucionnan impulsa pa IA den practica, pa asina mehora e experiencia di nan clientenan, aumenta eficiencia operacional, reforsa nan capacidadnan pa preveni fraude, y sostene innovacion den sistemanan di pago. Ademas, e panelistanan a comparti nan vision riba con IA lo transforma e experiencia di pago na Aruba den e proximo cinco aƱa, resaltando e cambionan fundamental cu nan ta spera den e sector bancario.

Participantenan di FPN a ricibi tambe un perspectiva regional durante un presentacion di Sr. Morales Esajas, Senior Product Strategy, R&D y Partnerships Lead, y miembro di e Team di Liderazgo di IBIS Management Associates, kende a comparti conocementonan valioso tocante iniciativanan y desaroyonan impulsa pa IA den e  panorama di pago den Caribe. E a enfoca riba tres mensaje clave: rediseƱa e proceso, zorg pa e ta haci uzo di data di bon calidad, y zorg pa hende tan a e control. 

Adicionalmente, Sr. Matthew Hunt, Advisory Board Member na Emtech, a duna un presentacion riba e uzo di IA den e industria di pago Europeo, destacando e impacto di IA riba e strategia di pago y transformacion na Europa. 

Conhuntamente e presentacionnan y discusionnan a ofrece e participantenan un perspectiva local, regional y internacional riba con IA ta transformando servicionan di pago y ta influencia e futuro di pago. 

E mainta a culmina cu palabranan di clausura di Sra. Gonzalez, kende a expresa su gradicimento na tur stakeholders pa nan sosten continuo na e FPN durante e aƱanan y pa nan interes den e desaroyo di e ecosistema di pago di Aruba. E a enfatisa cu e progreso cu a logra te cu awor tabata posibel danki na e esfuerzonan conhunto di e sectornan publico y priva y a subraya cu colaboracion continuo entre tur stakeholders ta keda importante mientras cu e ecosistema di pago ta sigui evoluciona. 

E conferencia a conclui cu un invitacion na tur stakeholders pa participa na e reunionnan di FPN Working Group programa pa e di dos kwartaal di 2027. Ademas, participantenan a wordo informa cu e di cinco conferencia anual di FPN ta plania pa tuma luga den luna di November 2027.