Fundacion CINEARUBA ta presenta e di cuater edicion di Playa Film Festival cu lo inicia e fin di siman aki. E prome anochi ta diabierna 19 di juli, 8’or di anochi na Cas di Brenchie den Wilhelminastraat, Playa. E programa di diabierna ta consisti di peliculanan di arte, peliculanan cortico internacional y peliculanan di Kingdom of Short cu ta un competencia di peliculanan cortico di ficcion for di Aruba, Bonaire, Curaçao, Saba Sint Maarten, Sint Eustatius y Hulanda.
![](https://solodipueblo.com/wp-content/uploads/2024/07/CineAruba-5-1024x683.jpg)
E di dos dia di e festival cu ta diasabra 20 di juli lo inicia cu un tayer di traha pelicula cortico den un minuut y den un solo take. E tayer gratis aki lo wordo duna den e parke di Brenchie Arends for di 6’or di atardi te cu 7’or di anochi.
![](https://solodipueblo.com/wp-content/uploads/2024/07/Cinearuba-6-1024x683.jpg)
E anochi di diasabra ta sigui cu mas peliculanan for di e segundo parti di e programa di peliculanan cortico di arte, internacional y Kingdom of Shorts. Porta ta habri 7:30 di anochi pa tur dos anochi. E publico presente tin e oportunidad pa vota pa e miho pelicula premio publico.
![](https://solodipueblo.com/wp-content/uploads/2024/07/Cinearuba-4-1024x682.jpg)
E festival lo culmina na Santos unda lo bay saca e ganadornan di e miho pelicula internacional y di diferente categorianan di premio pa Kingdom of Shorts cu ta miho pelicula premio hurado y publico, miho actor, miho actriz, miho director y miho cinematografo.
![](https://solodipueblo.com/wp-content/uploads/2024/07/CineAruba-2-1024x682.jpg)
Fundacion CINEARUBA kier gradici Cede Aruba, VNO, Setar, Santos, Aeropuerto Internacional Reina Beatrix pa haci e evento aki posibel. Pa mas informacion por bishita playafilmfestival.com.
![](https://solodipueblo.com/wp-content/uploads/2024/07/CineAruba-1-1024x682.jpg)
![](https://solodipueblo.com/wp-content/uploads/2024/07/Cinearuba-8-1024x768.jpg)
![](https://solodipueblo.com/wp-content/uploads/2024/07/Cinearuba-7-1024x683.jpg)