E informe emiti pa WEB, hunta di comisario y accionista, cu dos director a pidi retiro y a wordo paga pa bay, no tabata mucho cla pa pueblo.

Mesora a cuminza e reclamo riba e “golden handshake”, ilustrando yen di scenario unda cu no tin placa, pero si tin pa paga empleado cu mes a retira.

Un empleadon di WEB, riba lista di AVP tambe a lansa e critica aki.

SOLO a bay averigua mas profundo riba loke a pasa y nos a bin topa cu un berdad amargo!

Tur cos tin di hasi cu e contract cu e directornan tin, cual contract a wordo firma pa Utilities, den tempo di Franklin Hoeverts.

E contract di Franklin Hoeverts mes, cu e tabata tin cu Utilities, ta un contract probechista, hamas antes visto, unda ta kraak e compania cu yen di clausulanan desventahoso pa Utilities.

Na WEB no tabata diferente! Parce cu e dos directornan tabata dispone di un contract, cu bon proteccion, unda hasta si nan wordo retira, nan tin derecho di cobra x suma. Esey Franklin Hoeverts a firma pa cual ta mara e compania cu e mester cumpli.

Den casonan asina, ta nornal cu un persona ta prefera di opta pa entrega su retiro y di no wordo retira. E punto di agenda di e reunion tabata trata retiro di directornan. Pues nan por a wordo retira, cual no a sosode!

Pues hasta si nan a wordo retira, nan lo a cobra!! y awor cu nan mes a entrega retiro, el’a bay den un forma di negosacion, manera Utilities a menciona den nan comunicado.

Entodo caso, no ta Richard Eman a dicidi pa ortoga nan e Green Handshake, pero tabata e contract firma den tempo di Gabinete Mike Eman, cu Franklin Hoeverts na cabes.

Sorto di contractnan asina berdad ta molestia pueblo! Y proximo Gobierno mester asegura cu lo bini cu contractnan regular y comun, sin triki cu trampa!

E essentia ta e contract di ambos director! Un contract hopi raro.

Den caso asina tur hende ta pone den evaluacion, e risico di un caso na corte, unda bo por gana of perde, ademas e gasto di abogado. Den negosacion asina, tur hende ta sali gana! Ta hopi probabel cu e directornan a accepta hopi menos placa cu loke tin den e contract, pero ta keda cla un bes, sin mester bay warda 10 luna riba desicion di huez.

LEAVE A REPLY

Please enter your comment!
Please enter your name here